趁我生日前仲有幾個星期，一家人就到澳門行下。不過星期六和星期日，澳門天氣都唔太好，大多數時間都天陰，仲有幾場小雨落。 以往去澳門都係舊曆新年去，都幾逼人，又難搵地方住，食都難。今次無去旅行社買套票，只係在網上訂了一間位於十六浦酒店對面一間五步廊旅舍住一晚。早上八點到了中港城，好順利就買到十分鐘後開往澳門外港碼頭的船票，大約一個鐘船程就到達澳門，唔駛排長龍就過出到碼頭出面。今次行程好簡單，少行景點因為好多景點都去過哂，所以無囉大相機去影相，而行程只會周圍食下野，去下賭場玩一兩手。 一到埗先去新葡京，可惜新葡京的自助山餐廳已經結業。 跟著就由新葡京，沿大馬路行去議事亭，途中到瑪嘉烈買葡撻食，八蚊一個。 點擊圖片放大 +2 議事亭 點擊圖片放大 +2 再行上去大三巴，沿途唔係買豬扖飽，葡撻就係杏仁餅。 今次唔上去大炮台和大三巴，細佬提議行下橫街，一來少人行，二來有多點古老的特色店舖。 點擊圖片放大 +2
