6:40am 就起身，天色果然是咁多日長江旅程以來最好的一天，而是撞到重慶一年中好少有天色咁好的日子． 點擊圖片放大 +2 來往重慶長江的索道 點擊圖片放大 8:30am 食過早餐後就離船，而挑夫就用擔杆將乘客的行李搬上岸．(好似幾十年前細個同家人返大陸搭火車都見過依種場面) 又見到左面的大劇院，有點似西九龍隧道的出風口． 定係佢想學澳洲的歌劇院既風格． 不過天一光，天色又灰矇矇． 該日行程主要遊覽所有重慶附近的地標．首先會到三峽博物館和隔鄰的大會堂．食完飯後就去解放碑步行街，然後就是紅崖洞風景區．夜晚食完飯後會到重慶大劇院睇一下重慶的夜景．講真，重慶最為人熟悉除了作為中國直轄市，抗戰時既陪都及最近的薄熙來事件外，古舊既景點唔係保留得太多，高樓大廈就多的是，這就是中國走向城市化現象． 9:00am 半個鐘的車程就到達1954年建成的西南行政委員會大堂，即今日的重慶人民大會堂，有點似台灣的故宮博物院．而在重慶人民大會堂相隔一個廣場的對面就是三峽博物館． 重慶人民大會堂依面幾曬 反而對面的三峽博物館就藍天白雲
