星期日完結了六日行程，晚上九點由四川返到香港，星期一訓足一日，在當地都影了千多張相，當然有影得好同唔好既相．雖然唔係九月十月到處都是紅葉等旺季，不過黃龍同九寨溝都勁多人，所以當到大陸旅遊，在著名既景點影相都要時間配合同識走位避人至得...該次在旅程難得經歷了春夏冬三個季節（即是成都的炎熱，四川北部黃龍雪山的涼快，九寨溝翠綠的春天)．除九寨溝同黃龍既行程尚算順利，在成都亦行足附近景點包括埋樂山大佛及峨嵋山．而九寨溝同黃龍既風景都好似歐洲同加拿大既森林一樣，最意外的收獲是在九寨溝最後的晚上落了一場雨，不過就係依一場大雨，到晨光初昇後的早上，滿山的松柏就變成白色的聖誕樹，真係估唔到五月尾仲有雪景睇．講到食住，住方面我估九寨溝天堂酒店係我住過既酒店其中最好最大的一間，房有客廳有露台，另外酒店有天幕式的商場及酒吧，細小的人工池中有水鴨周圍游；食一方面在黃龍同九寨溝入面景點既餐室酒樓當然預左無咁好，不過有時食慣大魚大肉，改食一下水煮菜，清茶淡飯都幾健康既．唯一唔好既事就第一次經歷兩次飛機delay，一次因為大風另飛機在九寨溝機場要延遲起飛，另一次因為香港天氣唔穩定（紅雨），要在成都機場等了兩個鐘到黃昏六點半才上到機返港． 旅行相我一向整得好慢，我會盡快upload...
