水塘美景:依個水塘比較少人行,所以特別寧靜. 蜻蜓只可以在乾淨的水源才可找到,而金色蜻蜓很少見,可以行到咁近影又唔飛走,真係一大收獲. 行到五點就離開九龍水塘返回水壩口,又見到一家大細既馬騮. 瞌眼訓的馬騮 由水壩到出口沿途都是馬騮仔的地盤,要小心唔好有膠袋在身,因為馬騮仔會誤以為膠袋內有野食而爬上身搶走.另外亦要小心樹上的馬騮會隨時小便,如果中頭獎就麻煩.^^ 另外一個收獲係被行山朋友發現的蝦蛾 (唔太記得佢名稱),佢係飛蛾一種,尾部好似蝦一樣,不過飛得好快,在花朵上又唔會停留得太耐,所以十張相可能都只有一兩張能捕捉到佢. 點擊圖片放大 離開水塘就坐車到尖沙咀食buffet,今次去了YMCA上面的再臨閣,二百幾蚊唔算貴,依個價錢雖然無龍蝦食,不過有好大條既鮮魚食,另外例牌亦有三文魚及凍蝦等. 點擊圖片放大