離開白之戀人工房坐車到達狸小路七丁目既時候已是下午四點，由這刻鐘開始趁天未黑，景點未關門既時間，憑著手上的旅遊書遊覽一下札幌市中心區的名勝．札幌市中心其實都不太大，景點之間徒步大約只相隔十五分鐘左右路程．由狸小路七丁目至三丁目，所經的地方有食店，買手信既地方和波子機中心．到達狸小路三丁目後就轉向北行至大通公園，好快十分鐘就到達！大通公園東西全長一公里，將札幌分為南北兩區．如果是冬天的大通公園就最為熱鬧，是雪祭的地方．我在公園坐了一陣就行到公園最東面的札幌電視塔，它建於1952年，高147米，裡面有居酒屋，定食店，買飾物和紀念品的地方，而三樓就是天空回廊餐廳，可以對著個大通公園開餐．跟著在三樓搭升降機直上90米高的展望台只需一分鐘時間，有電梯小姐用日文講解，不過我就聽唔明．展望台內都唔係太多人，我就行了兩三個圈影了些札幌市的相片． 參考： 1. 大通公園 〔札幌市中央區大通西一地鐵大通站〕(www.sapporo-park.or.jp/odori/) 2. 札幌電視塔 〔開館時間：09:00-22:00；700YEN；札幌市中央區大通西1丁目〕(www.tv-tower.co.jp) 狸小路 下午四點行到晚上七點才去食飯，真係當行山咁，有時會行錯路，都幾累..不過同行山唔同既係行街會見到五光十色既晃虹燈而唔係樹木湖泊 狸小路內的一間打波子機中心，一個消磨時間既地方 大通公園 電視塔 電視塔上的展望台 位於電視塔南面可見到藻岩山(有吊車可以坐上去睇札幌市全景)，右下角可以見到丸井今井百貨公司 向北望出去最高的建築就是JR Tower和JR札幌站，東急和大丸百貨公司就在附近 向西望就是大通公園，下晝四點半已經是黃昏的時刻 離開電視塔就向有百幾年歷史的時計台進發 (待續)
