雖然西葡南部無咁凍，但是我出發前都買了件大樓，因為秋歐洲都係凍嘛．可惜無注意西葡南部十一月已踏入雨季，以致第一至三日在里斯本和西班牙南部西維爾都落大雨，天空灰灰黑黑，影相自然麻麻地，西維爾大街仲水浸，唉！到了西班牙中部平原及北面就天氣比較晴朗，凍些少(7-16c)． 西葡先後有羅馬人，8-15世紀時北非阿拉伯摩爾人統治過，及後由天主教及歐洲十字軍收復，所以西葡南部主要都是睇古城，教堂等.，屋仔多是白色，有南歐地中海味道．西班牙南部有奔牛節等活動在三月至十月才有得睇，北部就比較喜歡足球，所以今次旅程亦會到巴塞隆拿魯爾球場．歐羅最近升左值，1歐羅對11.47港元，都幾貴．有無野買？西葡無法國和義大利咁多名牌買，上到北部巴塞就有條購物街買Lowell,LV袋(唔知有無整錯英文名，因為我唔熟)，但我自己就改左去行條既行人專區，有街頭藝術表演，亦有花有畫買，有露天茶座等，盡頭就是海邊．成個行程我影左1700-1800張相，抽d比較好大家睇下，photo gallery未整，因為仲upload緊北京相，呵欠.. 晚上9點來到英航櫃台check-in搭11點半機沿俄羅斯再過北歐飛約12個半鐘就到達英國倫敦希斯路機場，已經是凌晨五點幾，天未光得哂，不過落完雨都幾凍．回想起上一次來英國時已經是十年前． 等了大約兩個鐘再坐三個鐘機上午十點就到葡萄牙里斯本機場(比香港慢8個鐘)． 葡萄牙是個歐洲最西面既國家，首都都幾靜，可能中午一點至四點是葡萄牙人休息既時間，佢地多數九點開工，一點關門，四五點才返回工作至八點，夜晚九點十點才食晚飯．里斯本(Lisbon)大街有好多雕像，橫街多數是石仔路，與澳門相似．而街道兩旁紅色的楓葉隨風落下．葡萄牙好少落雪，但11月後就大風大雨，人都吹得起.... 里斯本市中心廣場，地上石紋與澳門市政廳相似 點擊圖片放大 +3 航海紀念碑 (Monument of the Discoveries) 點擊圖片放大 +2 里斯本河口未端就是大西洋，而眼前是建於16世紀的貝倫塔堡壘 (Belem Tower)，這裡風速都有九號風球以上.. 吉隆尼摩斯修道院 經過大橋橫過里斯本南北岸到達耶穌巨像的小山坡上 除里斯本外，巴西及越南都有耶穌巨像 在耶穌巨像的觀景台可俯瞰里斯本的景色，不過又大雨又大風 (第一日未完，待續...)
