時間過得幾快，最終到了行程最後的一日．原本晨早就要起身到機場坐早上9:15am航機返港，不過導遊Ramesh昨晚食飯時通知我地可以訓晏少少，慢慢嘆個早餐，因為尼航RA409班機延遲至下午一點幾才起飛． 我地八點起身，八點半去食早餐，之後再到酒店附近的店鋪逛 Soaltee Crowne Hotel的外貌 穿過這條不顯眼的石路，我就出去附近的店舖買了個印度喀什米爾的木製手飾小盒及一把尼泊爾的廓爾喀彎刀，都有大細之分，我就買了一把中型size的彎刀，當然就要放落大行李寄倉． 點擊圖片放大 廓爾喀彎刀，現已成屋企收藏品之列，刀口都幾鋒利．希望這把刀日後到我退休到深山穩居種田時，可以用作除草用． 近照 上午十點鐘離開酒店 一個鐘車程就到達尼泊爾機場 在機場門口要搜身才入到裡面，跟著就到櫃位辦登機証及寄艙，而手提行李亦要貼上牌仔及label，再經過X-ray及人手搜查pass蓋印才可上機．而出境除了護照蓋印外亦要交給填寫好的出境卡給關員，不過好奇怪我朋友們無寫出境卡都過到．但都是遇上同一個關員，佢就舉起張空白既出境卡（紅牌），我就要返轉頭填完再排隊才過到關． 估不到大堂都有這樣的設施，可能驚人等得太悶 由出境大堂入到侯機室，而侯機室一早已擠滿人，好似難民營一樣．電視的營幕太細，所以時不時都會走上前去望下幾時登機，而且亦要留心人肉廣播． 點擊圖片放大 不過坐了好耐，到一點半都無消息，而班航機最後延遲至三點半才起飛．在飛機窗看見停機坪泊有幾架定翼機，我估應該係經營好似樸卡拉至加德滿都既內陸航線． 而坐在機上左面的窗口位可以看見連綿的喜瑪拉雅山 點擊圖片放大 其實距離都幾遠，雖然影了好多近距離既相，但係只有少部份係影得比較清楚． 大約飛了十五分鐘左右，已經過喜瑪拉雅山，飛機開始爬升至雲層上． 再飛了四個鐘於晚上九點半就到達香港．尼泊爾既開心又大開眼界的旅程就畫上了句號，希望有機會再踏足此地再作深度遊．
