因為Yahoo blog關閉，所以到現在才又開始寫新的旅遊blog．巴爾幹之旅好快就到尾聲，上集講到在馬其頓食土耳其晚餐．這一集將會離開馬其頓進入今個巴爾幹旅程最後一個國家：保加利亞 (Bulgaria)． 08:30am 起床梳洗 食完早餐再返房收拾行李，期間見朋友在出面傾得咁開心，走出來八卦下原來得知該男人係由北京來歐洲做生意，順道租車周圍去旅行一個月，剛好該日就來到馬其頓．九點半攜著行李就離開Shanti Hostel． 大約十分鐘路程就行到巴士總站旁既的士站．而今次往保加利亞亦是坐回昨日載我地去Ohrid Lake的士司機 十點就開車出發往保加利亞 路牌寫上Sofia是保加利亞首都索非亞，今晚會留宿的地方． 不過車子好似行得無咁暢順，司機話車子水箱過熱，所以要停車揭開車頭蓋將水加入水箱內，然後再開車．但就因為司機為免車速太快會導致水箱過熱，所以行駛得很緩慢． 再加上他開始食言唔會先去保加利亞首都市郊Rila Monastery 修道院遊覽，然後才到保加利亞首都索非亞 (Sofia)，而是直接送我地到Sofia就算．所以在遲至上午十一點半進入保加利亞後，我地四人決定在一個邊境小鎮變節． 點擊圖片放大 在小鎮午餐，幸得幾個當地青年人幫助下，打電話代我們約好當地的士載我地去Rila Monastery 修道院． 午餐所在的公園，很多小朋友玩電動車 點擊圖片放大 一切安排好後就返回停車場，託詞話我地太累，要在這個鎮留宿一晚，付給該位馬其頓司機足夠車費後，就從車廂拖走行李. 下午兩點才坐當地的士從小鎮開始出發往Rila Monastery，不過因車尾箱太細放唔落三件大行李，所以要放一件行李往司機位旁，而我地四人就逼在車尾坐． 沿途都是人跡旱見的田野
