原本都想等今年五月去旅行，因為返工工作壓力太大又悶，所以已經急不及待想去一次短旅行輕鬆下．今次就選擇了有日本夏威夷之稱的沖繩島，現在的沖繩未到夏季游水的旺季，所以我估唔會咁多人去．櫻花開花期一月尾至二月初，應該睇到機會渺茫． 今次沖繩遊會明天出發，五日內會去有歷史價值及可體驗當地人舊日生活的首里城(古硫球王國的都城)及文化王國，1.5公里長繁華的那霸國際通，食下當地著名的海鹽雪糕，苦瓜炒蛋(琉球料理)，網燒或者可以shabu shabu既出名AGuu豬肉和石恆牛．另外，在中部會去曾因拍攝戀戀沖繩(我未看過這部戲)而著名的萬座毛及遠望美軍亞洲最大空軍基地嘉手納．而北部會去海洋博水族館及菠蘿園等．五日實質得三日全日行程，所去的地方不會太多，不過都會有半日free，我會去睇下有無時間由南部系滿去南部既二戰時既戰場公園及位於那霸附近的舊海軍司令壕看下．而住宿方面，頭兩日會住那霸，另外最尾兩日會住沖繩南部系滿市的resort. 希望星期日至星期四都陽光普照就好，不過我在網上睇完天氣預測就唔係咁樂觀，依個星期會有微雨，希望睇到日落． 點擊圖片放大
