在斯洛文尼亞食完第一個午餐後,中午一點又行到巴士總站,買票坐巴士往斯洛文尼亞及歐洲最出名的Postojna Cave鐘乳石洞. 火車站 巴士站 巴士大約一點半開車,一個鐘多少少就到了Postojna Cave附近的巴士站下車.不過巴士站唔係對正Postojna Cave.巴士站附近只有一間唔係太多人既酒吧,後來幾經辛苦才見到個往鐘乳洞的指示牌. 亦同時遇上一個亦是周圍問路的印度遊客,所以一齊行了半個鐘,於三點鐘才到達Postojna Cave的正門. 來到售票處,有幾個旅遊套餐可以選擇,原本想用三十幾元歐羅買第三個行程,因為除包括Postojna Cave鐘乳石洞外,亦包括一個在山洞下的古堡(Castello),但可惜售票員話整個鐘乳石洞區之間的景點沒有穿梭巴士來往,要自己駕車才可以到達,而行去古堡仲相距8-9公里,要半個鐘至一個鐘才行.所以只好放棄往古堡的地方,用€22.90 (per ticket)買了往Postojna Cave的入場票,因為買票時都已經是三點半,所以要等下午四點的導賞團才可入來參觀. 這段時間就周圍行下影下相,不過依個景點唔係太多人來,不過一到四點就好多人聚集在鐘乳石洞門口等入場.但入去之前要著上厚褸,因為洞內只有攝氏八度. 點擊圖片放大 下午三點幾都幾曬,所以出面攤檔都好冷清. 等到大約四點,我地誤認這個洞是鐘乳石洞入口,所以入去等.原來入口應該是上面圖片白色餐廳.