07:00am 返到去另一位朋友已經起身,於是一齊食完早餐後,Check-out完就拖著行李行去火車總站. 又見到 Dragon Bridge 07:50am 行了半個鐘左右來到火車站,今次會坐在6號月台到達的08:15am火車,預計十一點鐘左右就會去到另一個巴爾幹國家:克羅地亞 (Croatia) 首府薩格勒布 (Zagreb) . 點擊圖片放大 +2 可惜火車過了預定時間還未到達,於是問當值火車站既人及從附近旅客口中得知火車會遲至九點幾才來.不過一個鐘過後,又從路邊社消息知道火車又會再多一個鐘至十點半才到站. 因為擔心行程受阻,於是朋友同另一位在火車站月台剛認識,都是由香港來旅行的夫婦,一齊去巴士站睇下即時有無巴士票買,如果買到巴士票就退火車票.好似記得根據這對夫婦所講,佢地早在兩三個月前買機票,早買的機票價錢平我地一大半,先飛往北京再轉機到意大利,然後由奧地利玩到這個地方,預計會旅行一個月,真係羨慕死人. 另一方面,因為肚餓,所以就在火車站買了幾個好大的漢堡飽醫肚.後來才得知好似奧地利方面水浸,所以駛來的火車要延誤至十一點才來,白白浪費了整個上午的時間. 當地漢堡飽比香港買既飽size要大得多. 11:00am 最後都等到火車來,火車上都幾多人,所以唔可以坐埋一齊,要分散坐. 點擊圖片放大 12:30pm 火車駛到克羅地亞的邊境,邊防人員上來查証件及蓋印.而今次來巴爾幹將會到的國家都是免簽證. 02:00pm 三個鐘的火車旅程來到了克羅地亞 (Croatia) 首府薩格勒布 (Zagreb) 火車站外貌