大約兩個鐘頭多十五分鐘就來到離十六湖國家公園(Plitvicka Jezera)St 2 入口700米遠的巴士站Mukinje落車. 民宿House Samardzic位置雖然離十六湖幾遠,不過唔駛拖行李行一大段路就可以由巴士站到民宿,只需十分鐘路程,都算方便. 民宿House Samardzic有個小草坪,有幾張沙灘椅可以hea一下. 民宿樓高兩層,係一間好似瑞士的小屋仔,下層是民宿主人一家住的地方及幾張餐檯,可以提供晚餐,餐錢另計;沿木樓梯走上去就是五六間客房,一間可以住兩個人,客房好有歐陸風格,全木板做,有一股溫暖的感覺 (兩間房加早餐,四個人住約1200kn). 房間裡面有獨立洗手間,但就無廚房,不過朋友自己有電製插既水煲,於是煮了意大利粉,香腸等來做晚餐. 08:30pm 放好行李後就出去行下,八點幾仍未天黑,不過氣溫都幾凍,除這間民宿外,附近亦有很多民宿,全部都有指示牌指示方向.