07:30am 起身走上天台看一看整個古城，天氣晴朗，陽光普照，精神為之一振． 這裡所看到的景點前幾集都介紹過，所以今集就省略了．不過環墝整個古城區，家家戶戶都係紅頂既屋仔，加上藍色既海，真係睇完都唔捨得離開． 望向遠處西面的入口處，差不多八點已見遊人陸續登上城牆，不過太陽一走出來，真係好曬． 點擊圖片放大 +2 遠望聖約翰碉堡下的遊人及遊艇 到了八點鐘就出去昨晚到過的岡朵立廣場(Gunduliceva Polijana)，攤位有各式各樣的蔬果買，我地又到附近的超市買牛奶，煙肉，蘑姑，雞扒及漢堡牛肉等，返上民宿煮早餐及預備遊完船河後今晚的晚餐． 點擊圖片放大 +3 早餐好簡單，有煙肉＋麵包，牛奶沖麥片，及在莫斯塔爾參觀完修道院所買的無花果．不過因為起身後就好肚餓，加上可以看著美景來食，所以特別好味．
