因為今晚要坐長途巴去馬其頓，沿途在街上的麵包檔買了幾個麵包． 0.4-0.7歐羅就可以買到牛角飽或者肉批，幾平． 古城附近一個街市，人流唔多，我地無買任何食物，只係好奇睇下當地有乜美食． 跟著我自己就嘗試在古城外面搵山路沿城牆行上山頂，希望可以俯瞰整個科托爾古城 (Kotor)，不過可惜搵了半個鐘都無路可以上到去，最多只係在山下的城堡上影了海灣． 點擊圖片放大 最後就去路口一間手信店會合朋友們然後就趕往Kotor巴士總站． 05:30pm 來到Kotor巴士總站，取回行李，然後和巴士站長介紹的九座位小巴司機經過一輪討價還價(€22四個人)後就上車，半個鐘車程就去到巴杜華(Budva)的巴士站． 然後就是今次行程最辛苦的一段路，坐十個鐘通宵巴士，要到明日上午七點才到達馬其頓(Macedonia)首都斯科普里(Skopje)． 至於巴杜華 (Budva) 在千多年前位於羅馬與希臘勢力之交界，兩個文明古國在此牽起了不少風波，在古城中亦不難尋找到其文明的足印．而在巴杜華的一段路就經過聖斯特凡島 (Sveti Stefan) ，這個島是由一條天然沙堤與陸地連接，沙堤兩邊是兩個狹長的海灘．據說小島幾十年前是一條小漁村，後來整個小島變成度假村，遊客不得入內參觀． 我地因為在杜布羅夫尼克玩兩日加上時間有限，所以就無去這個地方遊覽． 我好似記得有位朋友送上法國照片，又係有個沙堤連接至島上的修道院． 初時整架巴士只得我地四個人． 黃昏七點半仲好猛太陽．
