出嚟旺角聚會次次搵餐廳都好頭痛,今次同朋友直接衝去旺角 T.O.P 嘅【牛大帥天天鮮牛肉火鍋】旺角站B4出口一分鐘直到,呢度主打 120 分鐘一人一鍋,乾淨衛生之餘,鍾意咩熟度自己掌控😁只要預先訂座,一坐低即刻敬送精緻刺身頭盤一份,仲可以大嘆 120 分鐘無限續盤嘅手切鮮牛肉,入面有齊三文魚、甜蝦等經典刺身,食落冰涼清爽,食肉之前用嚟開胃先最好🙂↕️點擊圖片放大 +3 呢度最正嘅地方之一,就係每人都有一個獨立嘅小火鍋,提供五款精選鍋底任揀,大家都可以食得極之 Chill 兼乾淨衛生~而呢度嘅牛肉係每日新鮮直送到店,維持住肉質嘅溫度同彈性!一落鍋輕輕一灼幾秒就食得,牛肉部位選擇超級豐富(好似嫩牛肉、極品雪花、牛腱子、匙柄、牛吞、牛胸油等)每一款都各有特色:有啲軟腍滑嫩牛味濃郁,有啲爽脆彈牙帶油脂香氣,每一口都充斥住手切牛特有嘅溫潤肉感🤤詳情唔敢透露太多,要等大家嚟親自食過先知有幾好食!點擊圖片放大 +10 除咗主角靚牛之外,自助吧嘅陣仗都幾有誠意!各式火鍋配菜、熟食炸物、甚至可以掃code叫個河粉配牛食!雪櫃入面多款汽水果汁茶都係無限量任飲,食完熱辣辣嘅潮汕牛,再拎多支雪條,大口吸一啖冰爽解膩,爽度滿分💧