唔使飛日本都食到鳥貴族！🇯🇵 今次去將軍澳東港城分店實測，雖然開喺香港，但 menu 同日本本店大致相同，由秘製醬燒到鹽燒都有齊，雞肉部位仲分得超細，由雞髀、雞皮到稀有部位都有，仲有好多期間限定嘅春季之選🌸點擊圖片放大 +3 肉食獸必衝！招牌貴族燒系列🐥嚟到鳥貴族，第一時間梗係要掃晒佢哋啲招牌貴族燒先！❰雞腿貴族燒❱啖啖肉之餘仲要鎖住咗肉汁，加埋嗰個甜甜地嘅秘製醬汁，好好jap😋鍾意刺激啲嘅可以試埋香辣嘅❰雞胸貴族燒❱，辣香惹味得嚟又唔會遮咗肉味，加上鹽燒香脆嘅❰雞翅根❱，同鋪咗芝士片喺面嘅❰芝士雞肉丸❱，呢個組合確係無敵🔥點擊圖片放大 口感控首選！爽脆惹味推介🥢除咗大啖肉，呢度嘅口感系串燒都好有驚喜！❰鹽燒雞胸脆骨❱同❰鹽燒雞腎❱燒得啱啱好，爽口咬落咔咔嚓聲，係最好嘅送酒菜🍺 仲有重口味人士必點嘅❰鹽味麻油燒雞肝❱，麻油香氣極濃郁，口感好綿滑～記得嗌埋個❰釀青椒❱同賣相吸引嘅❰明太子燒雞胸肉串❱，明太子鹹鹹香香咁，層次感爆棚～點擊圖片放大 +3 📍主食&小食之選❰鐵板烤山藥蓉❱呢個必點！主體係滑溜溜嘅山藥蓉，頂部鋪滿紫菜，經鐵板煎完之後帶點微焦香，口感綿糯黏糊，最緊要要將中間隻生鵪鶉蛋黃拌勻，味道再昇華🤤❰關東煮❱好有儀式感！係即場用爐火煮熱🔥湯底清甜帶昆布鮮味。入面有蘿蔔、菜卷、獅子狗、蒟蒻、肉丸同蛋❰貴族雞釜飯❱＆❰雞肉白湯拉麵❱真正生米煮成熟飯代表～用雞湯慢火炊煮，上台等爐火熄滅再焗2分鐘就食得。飯粒吸盡晒雞肉同牛蒡精華，每啖都係濃郁嘅鹹鮮味👍至於拉麵湯頭奶白色，一啖肉一啖麵係識食嘅！📍春之限定首先係極罕有嘅香辣❰雞蠔肉串❱，呢個部位係雞髀根部貼近脊骨位置，咬落去極之彈牙而且肉汁都幾多～另外仲有非常彈牙嘅❰汁燒BB魷魚串❱，最估唔到係佢個醬汁混入咗芥辣，攻鼻嘅刺激感同魷魚嘅鮮甜竟然出奇地夾🦑鍾意肉感嘅朋友就必點❰鹽燒牛舌串❱，兩面燒到金黃微焦，肉味極濃郁之餘仲完全唔會韌，質素好高！仲有❰鹽燒豚肉秋葵串❱都好正，豚肉嘅油脂包住仍保持到爽脆嘅秋葵，香口得嚟又解膩，成個系列都正正子！📍春之特選飲品士多啤梨檸香綠茶 / 春意水果綠茶兩款都係果香清新，甜度控制得啱啱好，解膩一流！特別係士多啤梨嗰款酸酸甜甜，女仔一定鍾意🍓
