一直知道鍋霸推出時間自主吃到飽火鍋套餐，有限時同無限時兩個價錢，鍾意慢慢食定瘋狂進攻都得，今次揀咗第二級套餐✨有齊升級海鮮＋美國 Prime Grade 極上牛頸脊＋西班牙伊比利亞黑毛豬，全部高質食材任食，絕對可以食到返本！首先湯底多到揀到手軟，有勁多種湯底選擇😍仲可以揀鴛鴦湯底雙重享受🤤我哋今次叫咗壽喜燒同藥膳沙茶牛肉，兩款湯底都濃郁得來唔油膩，淥肉淥海鮮都夾，越滾越香，越食越過癮！點擊圖片放大 +10 🐮 Prime 級靚牛美國安格斯牛肩胛油花均勻，輕輕一淥就食得，軟嫩又濃香牛味。美國安格斯牛頸脊口感更加彈牙，牛脂香氣超突出，同fd都 encore 咗幾轉～🦞 海鮮全部冰鎮上檯貴妃蚌夠飽滿，淥完唔縮水，入口鮮甜爽口又滑嫩。蟶子王肉厚彈牙，仲有生蠔鮑魚，全部都好新鮮真心正！配料方面，款款都有驚喜喎～手工麻辣牛丸帶住淡淡花椒香。仲有必食各式墨魚滑、手打墨魚滑、潮汕手工丸、炸魚皮、台灣鴨血、黑毛肚、8寸長蟹柳、鯇魚片，樣樣新鮮無雪味，想試勻真係要預備定超大胃容量先得！熟食方面推介即炸鹽酥雞翼，脆皮 juicy，炸午餐肉、炸花枝丸香口又解癮，食火鍋時淥住食，簡直雙重快樂！套餐每人會包一杯台式飲品，柑桔茉莉花茶清香解膩🌼白桃龍鳳檸檬梳打酸甜醒胃🍑飲完即刻又可以再戰！最後仲有超過 10 款雪糕任食🍦甜品胃都滿足到！
