中環🌟The Jeju Black🌟以濟州島火山石為主題嘅餐廳，主打專人服務嘅燒烤肉，同朋友專心傾計等食，簡直係懶人福音，一入去就係岩洞風裝潢暗黑型格🪨附近檯嘅食材喺石板上滋滋聲超誘人🤤坐低無耐已勁期待！坐低已經無耐已被六格前菜醬料拼盤同泡菜嘅陣仗嚇親！入面有齊生醃魷魚、魚餅、芽菜同靈魂麻油等✨生醃魷魚好鮮甜，鹹香度啱啱好，一食就開胃🤤另外店員會將泡菜鋪喺火山石盤上面燒，本身口感爽脆又夠惹味，撈埋燒肉嘅油脂香氣，層次感直升2.0🥬嚟到重頭戲！肉肉控必嗌嘅【牛肋骨肉200g + 牛板腱肉100g 燒肉Set】前者入口軟腍得嚟帶點爽口嘅筋位；後者口感脆嫩中帶點嚼勁～店員火候控制得好精準，斜面嘅火山石烤盤流走多餘油脂，燒到件件肉都金黃香脆，鎖住晒肉汁。 (石板上面仲有雞髀菇、車厘茄、蒜頭一齊燒🍊最後燒完肉一定要食埋嗰個燒橙，平衡肉類嘅膩感💦)【黑松露韓牛生拌牛肉】嘅賣相同樣係藝術品級數，一上枱就已經令人相機食先📸韓牛他他本身拌入咗麻油香，肉質軟腍滑溜，入口陣陣肉甜味散發出嚟！加上面頭鋪滿晒豪華配料，鮮甜海膽配上貴氣十足嘅魚子醬以及厚切黑松露片，旁邊仲有沙律醬底嘅醬汁可以點，再唧少少檸檬汁就perfect池🍋【芝士大醬湯飯】加入半溶芝士，熱辣辣上枱嗰陣，輕輕一𢳂就有超治癒嘅拉絲效果，湯入面仲有肉、豆腐同翠肉瓜，每啖飯都索晒湯汁精華，係帶點辛辣又充滿奶香嘅惹味組合💛【烤韓國麻糬年糕】呢份傳統嘅濟州甜品賣相都好吸睛，年糕表面烤到金黃微焦，入面就係極致嘅煙韌軟糯，最邪惡係年糕上面灑滿咗厚厚嘅香濃黃豆粉，再淋上香甜煉奶。年糕本身帶點微鹹嘅米香，配埋甜滋滋嘅煉奶同清甜豆香，係好溫暖、好有韓國地道Feel嘅味道。【Hallabong Smoothie】🍊沙冰質感細滑涼浸浸，係清新擔當～滿口都係清爽嘅柑橘香氣，酸甜比例啱啱好。仲會飲到啲百香果粒粒✨【Strawberry Milkis】🍓賣相係充滿少女心嘅粉紅色💖 草莓甜香同獨特嘅輕微氣泡感，酸酸甜甜好似初戀咁嘅滋味～點擊圖片放大 +8
