抓住冬天嘅尾巴，趁住天氣仲未熱，同朋友嚟到牛大人嘆個日本黑毛和牛A4+套餐先！呢個套餐嘅主角緊係和牛，首先湯底已經有多款選擇，款款都係精心調配，唔駛擔心會影響到啲A4和牛嘅原味！ 一於揀個紅燒牛骨鍋同剝皮辣椒辣雞鍋，慢慢享受呢個和牛の極致體驗🔥前者用上等牛腿骨先燒後燉，牛骨精華全部溶哂入去🐮味道香濃無比；後者用台灣土雞慢慢燉到入味，配上台東特產剝皮辣椒，辣度啱啱好，鮮甜中帶微辣！ 一開波就送個豪華海鮮拼盤！一次過食齊鮑魚、帶子、生蠔同龍蝦，仲要將啲海鮮洗得好乾淨，連殼都幫手剝埋，方便即刻品嚐，原汁原味咁品嚐最天然嘅海鮮鮮味，完全唔駛搞到手忙腳亂！點擊圖片放大 手掌咁大塊嘅A4級日本黑毛和牛油花分佈勻稱，啲雪花紋清一色靚仔，淥落湯底一陣間就熟，肉質超級嫩滑！仲要軟綿綿咁，食落口油脂即刻溶化喺口中😍 叫多幾碟唔過份～伊比利亞黑毛豬梅肉嘅肉質同樣鮮嫩無比，柔滑嘅口感加上濃郁嘅豬肉香，都係必叫之選。至於贈送嗰兩粒澳洲M9和牛牛丸係意外驚喜！咬落去爆汁程度勁驚人，肉質彈牙而多汁～牛味亦非常濃💯 套餐仲可以任叫「鮑魚三味」包括：古法醉鮑魚 - 帶有微微酒香，提升鮑魚嘅鮮味炭燒鹽蔥鮑魚 - 炭燒香氣配搭鹽蔥，層次感十足柚子燒汁鮑魚 - 清新柚子香配搭燒汁，開胃之選點擊圖片放大 +3 除咗主打嘅肉類同海鮮，仲有大量配料同台式小食任揀，記住帶定個大胃王嘅心態嚟！鹽酥雞、台灣腸、皮蛋豆腐、甜不辣、各款漿類、水蓮、燕餃、蛋餃、麻吉燒、豬血糕、鴨血、王子麵...等等食到稱心滿意～ 出面飲品櫃有一般嘅罐裝、樽裝同紙包飲品，仲有招牌自家製茶飲！甚至order手搖飲品都得～可以揀少甜少冰，唔會甜到漏，飲完唔會有咁大負擔！朋友就加咗杯少爺啤嘅皇牌拉格啤酒，清新嘅麥香已經撲鼻而來，配搭打邊爐，啱啱好可以中和個口味，飲一啖清爽嘅感覺即刻充滿成個口腔，特別係食完啲和牛、海鮮嗰陣飲返啖，爽快感加上麥芽香氣，成個人都醒哂！佢仲唔會好似一般啤酒咁heavy，飲完唔會好快就醉👍🏻當然記得要預留足夠胃位食甜品，Mövenpick (有獨家MOVENPICK芒果雪葩!!) 、Kit Kat 系列、Mega、特色雪糕甜筒、仙草凍... 款款都係至尊享受！
