記得以前放學，成日都會同班同學仔去茶餐廳，一人叫杯好立克，啜到杯底先返屋企就滿足！所以好立克對我嚟講就係一種回憶，一種味道，一種屬於青春嘅甜蜜✨估唔到7-SELECT 首度同港式茶餐廳經典「好立克」聯乘，推出 5 款期間限定甜品及烘焙品，見到出咗咁多款好立克甜品，真係勾起好多回憶呀～點擊圖片放大 +3 【日本製造】7-SELECT x 好立克忌廉泡芙泡芙份量十足好重手，個皮唔會太厚身，係恰到好處嘅軟熟口感。重點係個忌廉✨係帶有微微麥芽香氣嘅好立克忌廉，咬落去啲忌廉湧出嚟，好滿足😆 同埋好立克味都幾出，係一種好懷舊嘅味道😙【日本製造】7-SELECT x 好立克忌廉蛋糕蛋糕卷質感非常鬆軟，中間塞滿忌廉，講真要卷得咁靚，真係幾考功夫😙 忌廉好幼滑，唔會太膩，麥芽味好突出，有種好自然嘅麥芽甜味，同蛋糕配埋一齊，口感層次更豐富✔️【日本製造】7-SELECT x 好立克忌廉瑞士卷蛋糕同樣非常鬆軟，忌廉同蛋糕嘅比例剛剛好，唔會太乾或者太漏，由頭食到落尾每一啖都食到忌廉👀 如果你係好立克粉絲，或者鍾意食瑞士卷嘅朋友，就更加唔好錯過啦～【滋味推介】7-SELECT x 好立克流心包只需放於微波爐加熱即可食用，叮熱後個包嘅外層超級鬆軟，一咬落去立克醬就湧晒出嚟充滿口腔，甜絲絲又滑溜溜～暖笠笠咁食，係冬天嘅最佳早餐選擇！【滋味推介】7-SELECT x 好立克夾心包日式烘焙技術整嘅麵包，口感特別鬆軟，加上好立克嘅麥芽味夾心，係一個好完美嘅配搭，食晒成個都唔會膩～ 今次7-SELECT同好立克嘅聯乘真係幾有誠意，將好立克嗰種懷舊嘅味道完美咁呈現出嚟，如果你都係好立克嘅粉絲，或者想重溫下細個嘅甜蜜回憶，就快啲去7-Eleven掃貨啦😋
