「2024幻彩耀濠江」以時空的共融為主題，由12月7日開始，一連84日嘅活動，等大家喺澳門各區打卡影相，盛事由2024年12月7日開始，一直去到2025年2月28日～今次活動規模好大！邀請咗好多嚟自世界各地嘅藝術大師級人馬參與，打造多個裝置及光雕表演，分別散落於6個不同主題嘅地區～點擊圖片放大 例如巨型藝術裝置「如願」裝置，作品用手掌同心形樹嚟象徵澳門同祖國之間嘅親密關係，將咁深層嘅感情表達咗出嚟🌳我都忍唔住都要伸出手扮返個姿勢影張相～至於南灣區嘅分支主題係“海洋之息”呢度有閃閃發亮嘅巨型裝置「星光鯨躍」一條條發光嘅鯨魚騰空彎起身，配襯埋澳門嘅夜景，成個場景好夢幻 ～點擊圖片放大 最吸睛嘅重頭戲，唔少得每晚準時上演嘅光雕表演！澳門科學館外牆變成一幅巨型動態畫布，光雕表演將澳門嘅未來發展都融入咗入去！睇完之後令人對澳門嘅未來充滿期待同希望～ (每晚7:00-9:30澳門科學館前地 / 氹仔消防局前地都會上演，30分鐘一場、每場表演約5分鐘)點擊圖片放大 不能錯過嘅仲有漁人碼頭勵駿大道舉辦嘅首屆「素食嘉年華」，以素食清心為主題，有多個美食同文創攤位，攤位都幾多元化，喺度劇透吓😂 冰糖葫蘆、順德雙皮奶、薯片塔、泡菜脆皮豆腐...點擊圖片放大 +3 除咗食，仲可以買到好多有心思嘅文藝精品，唔怕無手信帶返屋企😉同場設有「首屆澳門國際佛教藝術作品展」以供參觀，里斯本畫廊獻上超過200幅佛教藝術精品，展出多款書畫同篆刻作品，係味覺同精神嘅雙重體驗！點擊圖片放大 🎆詳情: https://lum.macaotourism.gov.mo/#感受澳門 #ExperienceMacao #澳門 #Macao #閃亮冬日 #DazzlingWinter #澳門好去處 #週末好去處 #假日好去處 #打卡好去處 #澳門一日遊 #2024幻彩耀濠江 #LightUpMacao2024 #IluminarMacau2024 #慶祝澳門特別行政區成立25周年#澳門素食嘉年華 #澳門美食 #素食創新 #素食打卡 #澳門旅遊 #素食推薦 #健康飲食 #澳門打卡 #素食潮流 #澳門景點 #澳門夜景 #澳門旅遊 #澳門節慶活動 #澳門必去
