呢排口淡淡想食啲重口味嘢，咁啱見到呢間主打酸菜魚及麻辣美食嘅「Yaoyao 姚姚酸菜魚」 ，同朋友都係好辣之人自然想食麻辣嘢，入嚟嗌個麻辣香鍋同麻辣燙就最好喇！ 麻辣豚香鍋麻辣香鍋係一道質地乾身嘅麻辣小炒類，陣麻辣味滿室生香，每次聞到香味個肚已經即刻餓😚呢度配料豐富多樣，肉類、海鮮、蔬菜等都有，永遠有心水嘅食材，可以自由組合，無論係同朋友聚餐、定同家人共度晚餐，麻辣香鍋都滿足倒大家嘅味蕾需求👀香鍋基本講究嘅就係麻+辣+鮮+香，呢度嘅香鍋特別加入美極®️鮮辣汁，搭埋風味十足嘅花椒，成個味道提升咗一個level～我哋揀咗麻辣豚香鍋，入面有重慶酥肉、豬腩片、花菜、鮮豆皮、薯角～小酥肉麻麻辣辣充滿肉感💖仲有肉汁鎖住喺入面，肉香同麻辣香鍋嘅調味料互相融合，推介🤗 豆皮好有豆香，裏滿紅色調味料好惹味；加入花菜帶點清新嘅感覺，帶點辣油香但又唔會過辣！整體炒到好有火喉，係正宗嘅麻辣風味✊ 清新藤椒湯麻辣燙一般麻辣燙嘅湯底係由各種辣椒同香料製成嘅湯汁，食材則被放入湯中煮熟。而呢度嘅麻辣燙特別同豪吉®️醬汁品牌合作，加入鮮麻清香嘅藤椒油🍲藤椒油以鮮藤椒製造，散發陣陣麻香，所以個湯底唔係一味得個死咸，係有好鮮香麻嘅味道🗯一上嚟見到份量又係超巨型，因為佢本身係一個超值嘅優惠套餐，套餐送三色冰粉及爆打檸檬茶，令我有一秒質疑佢嘅份量😲配料分別揀咗巴掌肥牛、嫩牛肉、萵筍片、千葉豆腐、油麥菜及寬薯粉條；豆腐口感彈嫩細密；鱸魚片非常滑嫩，入口鮮甜無腥味；嫩牛肉牛肉經過烹調後口感依然保持嫩滑，唔會出現咬唔到或者唔入味嘅情況！而我最鍾意係好煙韌嘅寬薯粉條，薯粉煮完唔會斷，一啖啜入口中，軟糯又滑溜🤘一邊食個嘴巴有少少微麻感覺，好過癮呢～麻辣香鍋同麻辣燙互相交替，我哋進食嘅節奏係非常緊湊，一筷子接一筷子🤭...另外亦叫咗數款小食： 紅糖糯米糍粑召集煙韌控過嚟📣本身超級鍾意食煙煙韌韌嘅嘢食，外層脆皮好香口，入面粉糯軟綿，再沾上甜蜜紅糖漿，令人忍唔住食完一條又一條 (份量大件得誇張，食完一件已飽飽地🥴) 藤椒無骨鳳爪擁有Q彈冰涼嘅口感、含有豐富嘅膠質，加埋啲辣汁好開胃，無骨仲唔使慢慢咬添！ 麻醬雞絲粉皮佢哋嘅麻醬甜甜哋，濃稠度剛好👍🏻而粉皮係卷起幼幼的方便夾起，口感係爽爽地，配合青瓜嘅爽脆同雞絲嘅肉香非常開胃✔ 姚姚脆奶外表金黃酥脆，內軟滑潔白，仲要係半流質，形成強烈對比‼🥢Yaoyao 姚姚酸菜魚@yaoyaohongkong點擊圖片放大
