杯麵味嘅汽水大家敢唔敢飲呢?早前日清杯麵為咗慶祝50週年特別推出咗50週年大全套,入面有九款杯麵及四款杯麵味汽水。分別將原味、海鮮、咖哩同辣味番茄四種經典杯麵口味打造成梳打水,本人身為勇氣之人當然要嚐鮮!「醬油杯麵味」以薑汁汽水為基底,飲落帶有少少醬油同胡椒嘅感覺;「海鮮味」幾特別,有啲似飲緊海鮮忌廉湯;「咖哩味」以可樂為基底,融入咖哩香料,好有異國風味;而「辣味番茄」有啲刺激,但同時又酸酸哋好清爽。日清官網特別註明:「如果你很勇敢請務必嘗試一下。」我試完又覺得幾得意,人一世物一世咩都試吓嘛😆