就快又到聖誕啦，淨係送禮物實在太普通了，襯住咁多甜品換上專屬聖誕造型，係唔係應該嚟一份聖誕甜品應景一下呢🎉Gâteau Omakase 法式甜品專門店推出一系列《聖誕小蛋糕 》、《聖誕經典法式撻》及《聖誕經典法式馬卡龍》有多款唔同嘅口味，姊妹們聖誕聚會時share啱啱好☺️除咗手工精緻細膩、使用優質材料，Gâteau Omakase 出品亦都係經過研究調製而成嘅，唔會只有單一嘅甜味，而最令人難忘當然係其造型非常精緻，就好似去咗日本旅行，望住甜品店玻璃櫃見到咁靚就呆咗咁😂感覺都將日系甜品嗰一套細緻嘅匠人精神帶嚟香港了，仲係全手工製作㗎添✔️點擊圖片放大 +2 《聖誕小蛋糕 Normal cake》精緻嘅熊仔、鹿仔造型有如一個個生動嘅小精靈，繽紛甜美嘅滋味，相信無論大小朋友都會喜愛❤️聖誕小蛋糕除咗造型特別之外，亦選用法國/日本材料，用料上一絲不笱👀小蛋糕由唔同水果 (如紅桑子、香蕉、青蘋果、黑加倫子等) 及特色材料 (如榛子、麻糬、焦糖脆脆等) 製成，無論口感同口味都喺口腔裡層層推進，細細回味有淡淡嘅水果香，亦嗒得出材料自帶嘅天然香味，好有幸福感覺✨《聖誕經典法式撻 Classic French Tart》個人覺得個餡係佢哋嘅特色同靈魂，例如係<柚子檸檬撻>嘅經典檸檬餡，帶有檸檬嘅水果酸香🍋酸酸甜甜超級好食～又例如<京都宇治焙茶撻>及<京都宇治抹茶撻>，完美地將茶粉製成白朱古力甘納許，優雅嘅茶香喺舌尖散發開嚟，配搭撻底簡直係回味無窮，食唔停口😆《聖誕經典法式馬卡龍 Classic French Macaron》每一件都好好味，開頭以為會好甜，結果一件好快就食完了，然後直接好快又食下一件🤏因為佢唔似傳統法式馬卡龍咁甜，係一種好清新嘅『輕甜』味道，一啖咬落去酥酥脆脆咁十分療癒😼 (PS. 整得出光滑嘅外殼同完美嘅夾心真係唔簡單)《聖誕小蛋糕Normal cake》Full set (6pcs)🦌<My Deer friend> 青蘋果黑加倫子慕絲蛋糕❄️<My Polar bear> 柚子芝士慕絲蛋糕🐻<Mr. Teddy> 榛子朱古力脆脆慕絲蛋糕🟢<Xmas wreath> 抹茶紅豆麻糬慕絲蛋糕🔴<Boule Noël> 雲呢拿慕絲蛋糕🎁<The Gift> 香蕉焦糖脆脆慕絲蛋糕《聖誕經典法式撻 Classic French Tart》-特濃朱古力撻-經典栗子撻-京都宇治抹茶撻-京都宇治焙茶撻-芝士芒果撻-柚子檸檬撻
