Cocoparadise 已經登入咗太古廣場啦，一系列嘅人氣植物製健康零食已經ready，例如焦糖椰子脆粒、無穀物椰子果仁、生酮椰子同泰茶冰淇淋，以及一系列全天然嘅堅果抹醬！Cocoparadise專注於製造植物性零食，使用不含麩質、乳製品同精製糖嘅全天然優質成分，注重健康嘅朋友一定要試呀～點擊圖片放大 今次我試咗佢哋嘅杯裝嘅原創椰子零食，椰子零食有幾款唔同嘅味道，七彩繽紛嘅杯裝住唔同味道嘅椰子零食，太適合椰子控同最怕寂寞但怕肥嘅姊妹們了✨每粒椰子零食都脆卜卜而且越嚼越香，追劇食零食都可以做到無負擔❤️仲試咗無奶嘅泰茶味雪糕，雖然食落的確冇普通雪糕咁綿密，不過作為無奶成份嘅雪糕有泰茶味真係幾新鮮，入口絲滑得嚟又細微嘅沙冰口感，初初唔係幾食得慣個口感，不過越食越好味，都幾神奇的👀同場仲有太古廣場獨家口味甜品：即食巧克力碎曲奇麵團，係一款十分新奇嘅甜品，無論外型、口感上質感上都非常特別😆 畀到食曲奇嘅感覺你但係又唔係食緊曲奇，真係好難形容😂 喺到要賣個關子先，如果想試就真係要快啲去太古廣場啦😚 佢哋仲有唔同嘅超級食物脆片㗎，例如呢款蘋果醋嘅紅菜頭脆片，鍾意食酸嘢嘅一定會鍾意，味道好天然好真實，就係好純粹嘅嘅紅菜頭味道，帶點醋嘅酸味好開胃！
