Ruby Tuesday一直都係我好鍾意嘅美式餐廳,因為佢哋啲美食做到好美式同傳統嘅感覺,入去食嘢就會幻想自己係美劇女主角咁😆呢排又追緊一套美劇,心郁郁想食啲美式食物,嚟Ruby Tuesday就最好喇~ 經典燒排骨一上檯已散發誘人嘅香氣(真正香到骨子裡了😂)肉質帶焦香但完全唔會乾,而且輕輕一切已經骨肉分離,咬落十分軟淋~燒烤醬甜中帶著微鹹,醬汁依附喺烤得焦脆嘅排骨表面,為排骨帶來甜蜜滋味但又唔會蓋過肉香,配菜有薯蓉同南瓜,雖然佢哋只係配角但毫不馬虎,特別係薯蓉!牛油味好香,口感好順滑✨ 脆雞芝士通粉雖然本身唔係通粉迷,但呢個實在太驚艷了😚 通粉好彈好滑,濃密嘅芝士覆蓋住通粉,粒粒都食到香濃嘅芝士味🧀喺炸得酥脆嘅雞扒上再鋪多層芝士,喺雙重芝士嘅點綴下,原來通粉都可以咁好食,食過返尋味💕 露比芝士薯條薯條炸得金黃香脆,半溶嘅芝士同薯條形成拉絲效果。薯條淋上酸忌廉同煙肉碎,芝士同煙肉夠鹹香,加上酸忌廉提味一流,整體味道平衡得好好!薯條雖邪惡但係忍唔住係咁食,不自覺將一條又一條,一條又一條放入口中😎 爆谷奶昔首先衝入口腔係一陣雲呢拿雪糕嘅奶香,再飲多啖就會有嘅焦糖嘅香味走出嚟💯 奶昔入口順滑綿密,有焦糖嘅甜又有爆谷嘅香🍿感覺就好似飲緊一杯爆谷咁😆 一邊吸啜飲管一邊望住奶昔慢慢向下沉,絕對係一種小確幸😎紅寶石情人係一杯睇得又飲得嘅Cocktail✨ (好特別嘅飲品名!!) 酒味隱藏喺水果香氣之中,酸甜適中!而顏色係好靚嘅紅寶石顏色,就好似一粒璀璨嘅紅寶石咁💎 不得不提,實在好鍾意Ruby Tuesday嘅環境,座位闊落企理,坐得好舒服,仲有唔少打卡位🤩,有得食又有得玩,好適合三五知己去聚餐👀 而且Ruby Tuesday旺角店嘅位置係非常方便,喺正旺角地鐵出口附近,1分鐘就行到過去,同朋友約埋喺地鐵站等再一齊行過去又得,一講個位就即刻知係邊度,啱曬放工或者星期五同朋友聚會❤️**Ruby Tuesday位於嘅友誠商業中心而家裝修緊,只要喺旺角站E2出口出,進入左方嘅友誠商業中心,然後搭升降機上三樓就可以到達Ruby Tuesday了🔼