自從第一次食甜不辣我就鍾意咗呢樣美食👀每次經過連鎖嘅台式炸雞店我總會買返一包返屋企慢慢嗒，某日行「大生生活超市」居然俾我發現呢一盒急凍嘅甜不辣， 只要放入空氣炸鍋（具體時間根據返你嗰部空氣炸鍋嘅「脾性」😂）中途拎出嚟幾次翻下面，再灑上調味粉就已經可以食✔️ 除咗氣炸，我仲試埋用微波爐加熱，叮出嚟嘅甜不辣質感偏軟而且較油膩，所以建議想試嘅朋友記得用氣炸鍋🙆 甜不辣食落感覺比較似炸魚蛋，個人覺得調味粉比較出色，胡椒味好重，一聞到陣胡椒味就感覺好似返返去台灣夜市咁🥴 另外一盒甜不辣份量都幾多，價錢又唔算貴都只係三十幾蚊，大概可以整到出面連鎖店賣嘅炸甜不辣兩至三包左右份量，宵夜肚餓整少少嚟食送酒都唔錯㗎～
