見到屋企附近開咗間主打烤魚嘅七月烤魚～作為川菜控緊係要試試啦💞佢哋烤魚有3款魚選擇，包括清江魚、海鱸魚及江圍魚，我哋叫咗海鱸魚，鍾意佢食落無咩骨👀 烤魚都有幾款味可揀，分別金湯辣紫蘇、滕椒青椒、重慶香辣、蒜香酸菜、醬香豆豉，咁多款又真係令人難以選擇🧐心大心細又有選擇困難症嘅朋友可以加$20揀鴛鴦鍋🙌今次我哋就叫咗金湯辣紫蘇味同重慶香辣味，一鍋盡享兩款美味🤭 重慶香辣口味魚肉被浸沒喺紅噹噹嘅湯入面，滿滿一大鍋熱氣騰騰，架勢十足💥慢慢等鍋底嘅溫度升高嗰種期待感會令你更加興奮😆呢個湯香辣味好重，係標準嘅麻同辣，越煮越入味。對鍾意食辣嘅朋友，簡直係食唔停口，食完出一身汗好滿足💦個鍋一直喺度加熱，所以每一啖都係熱辣辣，仲會感受到湯汁嘅滲透，又唔會覆蓋海鱸魚肉本身嘅鮮味😉金湯辣紫蘇口味呢個口味相對於重慶香辣口味比較溫和 (所以兩邊梅花間竹咁食就啱啱好😋) 撥開紫蘇見到鮮嫩嘅魚肉，估唔到紫蘇可以激發到魚香，同魚肉毫無違和感😯每塊魚肉都裹滿湯汁，可以夾住魚肉同紫蘇一齊食，亦都可以單獨食紫蘇🙈有啲酥酥脆脆咁～幾種滋味喺舌尖蔓延，一但試過就真係唔想停口😂 餐廳除咗烤魚外仲有好多小食揀，一邊食烤魚一邊食串燒，地道感十足✨而且價錢都幾相宜添㗎👍例如係2串共4個嘅烤饅頭都只係15蚊，4隻烤雞中翼都只係34蚊，烤韭菜都只係18蚊咋😬真係經濟又實惠！另外一個貼心嘅位係會將烤物放係另一個爐仔上熱住🔥計返我哋食咗差唔多個半鐘，食到尾都仲係熱嘅🙋烤饅頭饅頭烤得焦脆，灑上辣粉～微微嘅脆同一點點嘅咸，令饅頭擺脫傳統嘅刻板印象，要試要試💞烤雞中翼外焦內嫩肉質細膩，幾入味！ 烤韭菜拍心口保證重口味人士一定鍾意食💪韭菜上散滿燒烤調味料，超香～其實韭菜熟得比較快，所以要控制佢烤嘅時間要好精準⏰新鮮嘅韭菜經過烤制後口感變得酥脆，但係當你咀嚼幾下嘅時候，又會變得軟嫩，一啲都唔老～推介推介🙏 烤茄子面頭鋪滿海量嘅辣椒蒜蓉📣亦係重口味人士必叫嘅item！我朋友麻麻地鐘意食蒜都抵唔住誘惑 (果然美食面前要扮矜持係冇用㗎😝) 用筷子夾起外面焦香裏面細嫩多汁嘅茄子肉，再攪拌一下沾上蒜蓉汁放入口，正🤩將平平無奇嘅茄子轉化成如此豐富嘅味覺層次體驗，果然毫不簡單呢👍 藤椒麻辣魚皮望落好似平平無奇淡而無味咁，不過食落好有驚喜喎😮酸辣爽脆嘅魚皮伴有青瓜粒，完全唔會腥，非常有嚼勁，仲有滿滿嘅膠質☺ 食烤魚點可以冇配菜呢？食完烤魚加湯加配料開火繼續煮，咕嚕咕嚕等待配菜變熟再配魚肉嚟食，又係另一個世界啦喂😎眼見佢哋配菜嘅選擇都有幾多～我哋就揀咗鴨血、土豆片、蓮藕片同娃娃菜，鴨血浸喺紅油中鮮嫩無比，加上軟綿嘅土豆片、吸盡湯汁嘅娃娃菜、粉得嚟又脆嘅蓮藕片，真係好滿足呢😚 眼見現場每檯都有嗌飲品，大大杯造型靚👌咁當然我哋都唔例外，叫咗杯藍天乳酸梳打同百香果茉莉綠茶，兩者味道清新怡人🌱解膩一流，而且底層仲有啲煙韌嘅粒粒，好有口感！
