平時韓劇入面經常見到男女主角大口大口食紫菜包飯、雞蛋捲、魚糕等，隔住屏幕都好似感受到香味咁，每次見到咁樣嘅畫面，都會好想食埋一份，依家有機會喇！位於銅鑼灣鵝頸橋街市附近嘅『生生市場』，將平時喺韓國路邊攤嘅小食全部帶到嚟，韓式辣炒年糕、紫菜包飯、拌飯、煎餅、魚糕湯、小菜等都可以喺度搵到，除咗各款韓式美食外賣，仲有唔少凍肉可供選購！ 雜菜煎蛋捲喺韓國一般野餐或者便當中少不了佢嘅身影，中間有一塊紫菜，而蛋液加入咗蔬菜豐富咗口感，雞蛋捲成厚厚的望落去金黃十分誘人，各種有營養嘅蔬菜粒同雞蛋混埋一齊，係蛋白質同維他命擦成嘅火花！簡單嘅材料卻做出最平凡嘅美味，真係唔好睇少佢呢😌 辣豬肉紫菜飯捲又係一經典韓式小食～佢哋嘅紫菜飯捲有好幾款口味，一眼就睇中辣豬肉味，主要係覺得會好開胃🤤用紫菜卷住拌咗麻油嘅米飯、辣豬肉及各種蔬菜，一層層激發味蕾！中間嘅餡料好多，一啖一件好紮實，夾嘅時候唔會散開😙 海鮮煎餅剛剛煎起熱辣辣～粉漿剛剛好唔會太過厚身，金黃嘅外皮夾雜住蔥香同海鮮嘅鮮味，每件煎餅都可以食到海鮮，再點上靈魂醬汁，係韓國嘅味道啊😝 辣炒蟹仔秋天係食蟹最好嘅季節，唔爭在叫多樣辣炒蟹仔啦🤭喺韓國料理之中辣炒蟹仔係一樣好受歡迎嘅小菜，佢以獨特嘅口感同特別嘅製作方式吸引咗好多乘客嘅眼球，因為望落紅噹噹令人好有食慾！醬汁係甜辣口味，加上蟹仔脆脆嘅質感鹹香，每一啖都係蟹仔嘅鮮味同辣醬嘅混合，如果空口食會比較重口味，配襯主食一齊食用係個好選擇🙋 韓式炒魚糕一直都好鍾意食韓國嘅魚糕，魚糕本身就係鹹甜交織嘅食材，即使唔落調味料，就咁用清水煮一煮都已經好鮮味，而且低卡低脂高蛋白，食多啲都冇咁有罪惡感🙆♀️而韓式炒魚糕亦都係韓餐之中比較常見嘅小菜，韓式炒魚糕質地軟綿可口，用嚟當宵夜或者睇韓劇時食一流！
