去得台灣旅行，一定要食當地嘅台灣滷味👉自從幾年前去食過當地滷味就打開咗個新世界嘅大門，從此對滷水嘅喜愛一發不可收拾，可能上天聽到我嘅心聲，喺將軍澳開咗間「而打淥滷汁伴粉」😲 「而打淥」主打外賣台式滷味，仲有拌面、台式麻辣燙或麻辣涼拌選擇，將台式滷味味道分享比更多人品嚐，原來想食滷味唔一定飛去台灣嘅👀去「而打淥」就得喇，小小店面非常整潔，裝修十分乾淨利落，佢哋嘅MENU風格以螢光黃色作為主調，好有台灣夜市招牌嘅感覺😚店鋪透過收銀處旁嘅透明櫃，會見到有各式各樣嘅滷水食材，食材好齊全 (基本上大家鍾意食嘅種類都有) 分類亦好整齊同乾淨👍店旁亦有內用專用座位以及自助調味料區。 麻辣獨享(醬香雞中翅、花椰菜、台灣花枝丸配麻辣冷麵)冷麵嘅靈魂係佢個醬，個醬係濃甜辣融合埋一齊，質地看似濃稠，但絕不會搞到啲冷麵癡埋一餅咁，每條冷面被辣醬包住，無論天氣幾熱都能令你食慾大開😝而且醬汁鹹香得嚟唔會蓋過食材原味！雞中翅醬香濃郁，連啲雞肉都入曬味，仲一啲都唔鞋；經過秘製醬料嘅浸染，台灣花枝丸釋放咗花枝嘅鮮甜；椰菜花經過醬香加持，配埋爽彈麵條一齊食，好味程度拍得上食肉🤩 蔥油滷汁拌台南粿條口感爽滑嘅台南粿條偏向粗身，每條都被染上滷汁嘅顏色，變得油光發亮🌟食落好濃郁入味，滷汁咸鮮中帶少少甜，加入脆卜卜嘅花生及蔥花點綴其中，超還原台灣嘅味道，恨不得一下子就瘋狂吸入成碗～另外我好鍾意店員會預先會落多啲分量嘅滷水汁，就算外賣拎番屋企，啲粿條都唔會吸曬啲醬汁而乾晒🙆♀️加上醬汁預先已經同麵撈勻咗，唔使自己撈到四圍都係✔ 脆香鹽酥雞個人覺得食冷麵一定要搭配靈魂伴侶鹽酥雞，薄薄嘅外衣包裹著厚實嘅雞肉，爽脆又過癮📣係以往台灣旅行記憶中食到嘅味道 (果然味道係有記憶嘅😉)
