香港明怡美憬閣精選酒店嘅「法式金箔下午茶」以充滿法式嘅情懷作為靈感，加上奢華嘅金箔元素，設計出一系列精緻美味嘅鹹甜茶點🍰茶點造型精緻，融入法式滋味，我就好鍾意呢個主題，一次過試哂所有平時喜愛嘅法式美食～唔少茶點更加上金箔裝飾，變得瑰麗堂煌，確實係女神打卡之選。喺美景襯托之下，散發優雅嘅氣息，即使去唔到外國，都可以想像吓自己身處法國，慵懶地享受一下法式悠閒時光！ 真係要讚吓AKI MGallery大堂酒廊嘅環境好靚，唔只環境闊落，仲坐得好舒服，坐喺優雅嘅梳化及矮餐桌前嘆茶食甜品，可以盡情打卡Selfie📸點擊圖片放大 +3 鹹點部份：煙三文魚伴班戟迷你三文治法式龍蝦撻鮮蝦芥末醬 煙三文魚班戟賣相整得好靚，頂層有酸酸哋嘅醬汁及魚籽，配上墊底可口嘅班戟，整體好夾係perfect match～法式龍蝦撻亦好有驚喜，味道層次好豐富！鮮蝦芥末醬就用小匙裝住，夠新穎之餘食落仲好開胃添🤤甜點部份：法式可麗露法式金磚蛋糕鮮果撻馬卡龍迷你金箔閃電泡芙藍莓鬆餅法式金箔泡芙英式鬆餅配草莓果醬及奶油忌廉 特別推介法式可麗露，係非常高級嘅法式甜點，外表充滿焦香，入面係鬆軟多孔嘅蜂巢組織，係只要試過一次就忘不了的美味！另外亦十分鍾意法式金磚蛋糕，外層香脆，內層係濕潤鬆軟嘅口感，帶來無限驚喜！藍莓鬆餅靚到似道具食物咁，咬開入面係濃濃嘅藍莓果醬；當然仲唔少得下午茶不可或缺嘅經典scone，配上草莓果醬及奶油忌廉就perfect啦～
