呢幾日瘋狂工作,滿腦只諗住烤魚!烤魚!烤魚!支撐我返工嘅動力———烤魚🎏咕嚕咕嚕🫧熱辣辣~連湯一啖落去真係暖到去個心! 今次嚟到位於銅鑼灣嘅「小魚兒」除咗原條烤魚,佢哋更提供雞煲、冒菜粉麵、麻辣小食、串燒、廚師推介等菜式,川菜癮發作嚟呢度開餐就最好~點擊圖片放大 +5 今次衝住烤魚而嚟,見到都幾多魚類同口味選擇,另外部分口味可選辣度~我哋揀咗黃金蒜香豆花味,面層有巨量嘅蔥蒜!見到都覺得香!先試一啖湯,蒜味好重呢,正👀 海鱸魚份量好足好大條,魚皮好香口,魚肉鮮嫩唔又多骨,條魚浸喺濃湯中滾起,吸收晒秘製湯汁嘅香濃精華🤤湯內配料有青瓜、原粒蒜頭、寬粉、芽菜、雲耳、紫洋蔥、芫茜等等,全部吸收晒湯汁非常惹味!特別配料仲有佢哋嘅秘製豆腐花~三角形狀嘅豆腐花豆香突出,又夠滑,連埋湯汁放入口中令人一啖接一啖食唔停😚火鍋配料方面叫咗竹笙,加上竹笙後,烤魚盛宴瞬間變成一頓養生烤魚😚呢度嘅竹笙又大又厚肉,爽口彈牙,啖落去湯汁四溢,一次過滿足暖身、飽肚、美味三個願望👏炸雙皮奶奶製品愛好者必叫🥛經過油炸後外皮脆而不硬✨咬開金黃酥脆嘅外皮,嫩白嘅牛奶即刻流出嚟,果凍質感嘅牛奶內餡滑入喉嚨,牛奶味極香醇,而且一啲都唔膩,反而有一股清新嘅奶香~越南粉絲春卷炸完上碟熱辣辣,網狀嘅外皮十分酥脆,薄薄嘅脆皮喺唇齒粉碎開,然後入面包住嘅係粉絲同雜菜,加埋個甜酸汁更香🔥