身邊總有個「無辣不歡」嘅朋友,永遠都都阻止唔到想食辣嘢嘅決心,特別係冬天食辣野仲多一層滋味🔥而鍾意食辣野嘅朋友應該對《麻辣風雲》呢個名應該一啲都唔陌生喇,位於旺角嘅麻辣風雲,店面積寬闊寬闊,座位舒適💕仲有多款特色惹味小菜選擇,又係時候召喚鍾意食川菜嘅朋友開餐啦👏🏻 荔枝蝦球係好浮誇嘅小菜😱用咗盆景嚟做擺設,將一粒粒蝦球綁喺棵樹度,再加上乾冰嘅煙霧效果,就好似藝術品一樣咁有仙氣~偽裝成荔枝嘅炸蝦球以假亂真✨外型真係好似一粒粒紅卜卜嘅荔枝,不過佢係唔使剝殼嘅荔枝😂入面係爽彈蝦肉,外面仲有一粒粒嘅脆米增加層次,蝦球一啖一粒酥脆可口,點上酸甜汁就更惹味🥢食完一粒好味到要即刻要喺棵樹度摘另外一粒落嚟食,好過癮呢🙆🏻♀️ 甜麻雙殺黑椒炒和牛集合麻、辣、甜三味於一身嘅小炒系列‼️黑胡椒香配甜味,再加上和牛嘅油香同肉香,滋味無窮~醬汁帶甜香,配合黑椒嘅少少辣香同粒粒芝麻嘅香氣,整體好惹味,完全無失望👍🏻 開胃宜賓涼拌冷麵配料有花生、芽菜、芝麻等,個汁係辣油,佢唔係單一嘅辣味,而係香中帶辣,而個麵係比較幼身同油潤嘅麵,係一種你可以喺感受到佢根根分明嘅麵,香香嘅配料掛喺麵上,非常開胃😋PS. 上檯後建議盡快撈好個麵,如果唔係會有啲黏埋一齊👀 蒜泥白肉卷用最簡單嘅食材做出最美味嘅料理👀將薄薄一片嘅白肉包住一片青瓜,香口蒜泥包起肥美白肉,比例剛好,些微嘅酸帶點蒜辛唔會太over,整體恰到好處💯 麻辣魚皮魚皮富含豐富膠原蛋白及膠質,質感好厚實爽彈,麻辣味亦好香😚夾埋青瓜絲一齊食更爽更脆,又有青瓜嘅清香👍🏻做開胃菜一流! 紅棗麻糬心太軟補中益氣嘅紅棗,夾住一團白白糯米團,再淋上桂花蜜,甜蜜又軟糯~雖然大家前面已經食到肚皮就快無位,但都係一粒接一粒停唔到口😆