又到聖誕節啦喂🎅🏻 時間表早已堆滿聖誕節目,其中聖誕Party當然唔少得,而色香味俱全嘅Party食物係好重要一環🍗 難得聖誕佳節,緊係想食得豐富啲,好味之餘,賣相都要打卡able㗎~「There’s Catering 有間到會」就滿足我嘅需要😋 佢哋嘅6至8人套餐可以任揀8款美食,飯及意粉、烤焗系列、風味炭燒、美味小炒、香酥炸物、小食甜品、新鮮沙律,全部自由配搭自由組合!人人都可以揀到心水嘢食,十足十食自助餐咁~唔使煩惱食啲乜之餘,價錢仲非常實惠👀 XO醬帶子粒炒飯XO醬惹味而且具有豐富口感,同粒粒分明嘅米飯翻炒出香濃美味,飯炒得乾身,帶子夠大粒,配上XO醬係奢華嘅選擇✨ 炭燒蜜汁豬頸肉豬頸肉本身已經處理得好食,然後畫龍點晴嘅蜜汁係重點,加上帶點炭燒嘅焦香味,味道濃郁得嚟唔會膩,食到成屋人都爭住嚟食~ 秘製BBQ肋骨都幾有份量🤤醬汁香濃惹味,肋骨上黐住嘅筋膜又好有韌性,增加口感😆 串燒泰式墨魚丸以為係平時打邊爐嗰隻普通嘅墨魚丸?非也!呢款墨魚丸大粒好多,更擁有彈牙及香甜口感,經過燒烤嘅墨魚丸表面帶有焦黃色及特別香氣,將墨魚丸打滾直至均勻沾上泰式酸甜辣醬,食唔停口🤤 黑椒德國去骨咸豬手豬手肉去曬骨啖啖肉,肉質鮮嫩多汁,加咗黑椒調味咸香味剛剛好,又無一般德國豬手咁咸,同佢酸酸哋嘅汁好夾,配炒飯食亦一流💁🏻♀️ 泰式生菜包生菜中和咗肉碎嘅油膩,肉中香料嘅調味又令生菜變得生動起嚟,生菜翠綠新鮮,全部都好大塊同完整,所以食得好乾淨,唔會成手都係,食之前吱少少檸檬汁更開胃🍋仲特別有儀式感添! 酥炸蟹肉忌廉餅開party又點少得炸物?蟹肉忌廉餅炸到金黃又酥脆,件件都脹卜卜,見到個Mon都覺得脆😋咬入去即刻爆漿,用筷子夾要特別小心,一個唔留神分分鐘令蟹肉忌廉洶湧傾瀉而出!蟹肉伴隨creamy到極嘅忌廉餡,再沾上醬汁食用,「味」力沒法擋~ 大蝦雜果沙律沙律色彩鮮艷賣相好吸引,見到個顏色就已經覺得好有食慾,放喺檯面就更加賞心悅目👀大蝦爽口彈牙,鮮甜美味,配合其他配料及酸咪咪嘅沙律醬,解膩開胃! 「There’s Catering 有間到會」嘅食物全部即嗌即煮、熱辣有火候,睇得出食材質素好高,最重要係由店主親自下廚,所有嘢都親力親為,呢份用心已經好值得👏🏻 到會除咗包送貨仲好準時,食物亦pack得好穩陣,大家坐定定等開餐,送到嚟仲係熱辣辣👍🏻家人朋友都食得好開心☺️真係早訂早享受💃🏻