放工時份，唔少人都鍾意食串燒、飲啤酒！嚟到位於銅鑼灣嘅「炭番串」一入到去就覺得氣氛好好，呢度嘅串燒係即叫即燒，所有日式串燒採用炭火正宗日式燒法，熱辣辣咁送到你面前🔥 眼睛可近距離直觀美味串燒嘅產出過程，一邊食個鼻一邊聞到誘人嘅香氣，好享受呢！店內提供套餐比選擇困難症嘅人士，我哋叫咗個「炭番SET」！點擊圖片放大 +3 蕃茄野菜沙律蕃茄新鮮爽甜，沙律菜爽脆醒胃～唐揚魷魚表面炸至香脆乾身，炸漿厚度剛好！鹽燒雞髀軟骨串、鹽燒雞腎主打原汁原味，雞軟骨口感清脆彈牙，而雞腎咬落脆脆哋好香口～鹽燒雞頸肉串雞頸肉係雞頭周邊嘅肉，肌肉運動比較多，所以肉質緊實而且富有彈性，入口有濃郁嘅炭火風味，焦香四溢✨燒白鱔白鱔本身係充滿油脂嘅魚類，燒完嘅外皮焦脆，肉質爽口有嚼口得嚟充滿魚油香，將一件厚肉白鱔放入口，令人意猶未盡‼️鹽燒牛舌芯爽口彈牙，非常多汁，仲可以搭配佢哋自家嘅調味粉，每種都有各自不同嘅香氣😆煙肉荔枝卷係好有記憶點嘅串燒，豚肉嘅油香同荔枝嘅甜味互相融合，咀嚼時卷住嘅荔枝滲出甜甜荔枝果汁，平衡咗豚肉嘅膩，果香中帶有肉香～煙肉蘆筍卷呢個都要點名表揚呢🤭 煙肉+蘆筍呢個配搭永遠都唔會出錯，煙肉燒出嚟嘅油脂滲透入軟嫩嘅蘆筍之中，油脂嘅香氣包裹住鮮嫩嘅蘆筍，呢種感覺真係要試過先知有幾正😌燒芝士年糕作為一個煙韌控，對年糕毫無抵抗力🤤 年糕燒到外脆內軟，一啖咬開芝士爆漿湧出嚟，心急食咗一啖，有啲辣口，記得吹凍啲先好食😂套餐包一杯飲品，叫咗Lemon Sour，另外叫多杯乳酸梳打，前者好清新嘅感覺；後者甜味及氣泡量剛好，食完串燒再飲番啖清涼飲品，有煥然一身嘅感覺，亦都中和咗串燒嘅鹹口💯 呢個SET感覺係大滿貫嘅組合，每道出品都好精彩，一串又一串打開一個又一個新世界嘅大門👍________________________________除咗SET，亦叫咗幾款美食單品～煙肉蠔卷煙肉包住生蠔，可以減少生蠔水份嘅蒸發，仲保留到生蠔嘅juicy同埋滑嫩🤟借助煙肉嘅香味更令生蠔吸收咗煙燻嘅味道，必試推介😉炸白蝦香脆可口，成隻連殼都食得，係最佳補鈣時機👆鹽燒冬菇食返啲蔬菜就最好喇，燒完冬菇外面乾身，菇香被激發，加埋啲辣粉好惹味😚鹽燒和牛新鮮燒製嘅和牛串持續流油，入口先嫩多汁，和牛不愧係和牛，完全突出咗和牛嘅油脂〰️大蔥雞肉串雞肉嘅雞油滲咗落大蔥入面，而雞肉肉質鮮嫩油香十足，同時吸收咗大蔥嘅香甜。配上特調醬汁味道剛好，醬汁鹹香中帶微甜，唔會死鹹亦唔會過於甜膩～明太子燒飯糰咸咸香香嘅明太子醬鋪喺烤過嘅飯糰上面，包住紫菜一齊食，每一啖都有焦香及鮮味，好滿足呢！燒牛仔骨牛仔骨有肉、有筋、有骨頭，但係我細個開始已經好鐘意食，呢度燒出嚟嘅牛仔骨肉質唔乾，油滋滋咁一口爆汁，而且輕咬就脫骨，正！ 總括嚟講，「炭番串」係一間令人驚艷嘅串燒店，串燒種類繁多、口味豐富，大家喺呢度必會搵到適合自己嘅串燒，而且整體食材燒得非常好，無肉質過老痕跡出現，鐘意食串燒嘅朋友有機會值得一試✔️🥢炭番串@yakibanhk
