嚟到尖沙咀行街，突然之間想食車仔麵？見到亞當麵館主打地道車仔麵，即刻試吓先🤤 一入到店內同平時去開快食快走而且擠擁嘅車仔麵店有啲唔同，因為位置闊落而且乾淨舒服，店內仲有好多老闆嘅私藏玩具，係一間好有style嘅麵館呢👀 睇睇menu都見到配餸有好多選擇，麵類我哋揀咗係油麵，感覺係車仔麵嘅標配😉 那怕食得慢，浸住嘅時間耐咗，口感都唔會變🥢 如果係口感偏好者可以揀薯粉，呢度嘅薯粉比較幼身，掛湯能力比較高，都係唔錯嘅選擇🤟 一上檯就見到碗麵真係好大碗😂 所有材料鋪滿鋪到滿滿一層，爭啲見唔到啲麵‼️ 食麵之前可以先飲一啖湯，佢哋嘅湯底係冇味精，所以食完成日都唔會覺得口渴，我仲揀咗佢哋嘅秘製辣汁，所以成個湯底都幾濃郁💦 推薦以下配料：- 甜酸齋超級大件，份量十足，酸甜道恰到好處，嚟埋啲湯汁相當開胃👍- 陳皮魚蛋係港式魚蛋間中嘅經典，相比起外面浸到發脹嘅魚蛋，佢嘅身型會比較細粒，但係勝在口感煙韌，每咬一啖都感受到陳皮嘅甘甜同香味✨- 韭菜餃非常大隻餡料飽滿，一隻已經頂到兩隻，抵食之選- 生腸洗得好乾淨，爽脆惹味～ 另外建議食得辣嘅朋友一定要加埋店內嘅秘製辣醬，麵條吸收咗辣味精華，超級惹味🤭**如果糾結唔知叫啲咩嘅或者胃口比較大嘅朋友，建議直接叫「亞當秘製鹵水雜併麵」或「亞當招牌車仔麵」一個價錢有齊8/10款餸，唔使煩叫咩餸，全部精選都有齊😆 除咗車仔麵，亞當麵館更提供多款小食畀食客選擇，我哋叫咗咖喱魷魚，同市面上大多寡淡嘅港式咖哩唔同，佢哋嘅咖哩汁豐富度同濃稠度非常足夠，即使魷魚本身都唔算係一款非常吸汁嘅食物，但係經過𠝹花工序同咖哩汁嘅加持之後令風味更加突出💯 魷魚又彈又嫩，其鮮味搭配咖哩嘅香辣，每一口都係獨特嘅誘惑，一點點辣嘅味道滲透住好香嘅咖哩味，令人食慾大開，令我忍唔住用匙羹畢啲汁落去撈麵嚟食😂點擊圖片放大 另外仲咗滷水併盤，一次過食到不同部位嘅滷製食品😆 呢一碟拼盤真係頗為壯觀，各式滷製品被鋪得滿滿於碟上：帶有脆脆軟骨嘅滷豬耳、肥而不膩嘅濁五花肉、滑溜嘅生腸、爽脆嘅腎、入味到骨肉分離嘅雞翼、爆汁嘅牛肚、甜到入心嘅溏心蛋... 加埋墊底有解膩之效嘅芽菜👀 經過長時間燉煮，滷汁慢慢滲透到食材之中，難怪每款食材都散發出醬香濃郁嘅色澤，而且味道鹹淡適中，火侯亦掌握到好好，食落香嫩可口，唔會覺得好老同埋好韌，重點係好抵食！咁大碟都只係買58蚊，實在搵唔到任何挑剔嘅地方，基本上同朋友嚟叫呢一個絕對唔會出錯，甚至帶埋長輩嚟食，佢哋都一定會鍾意🙈
