一放假，除咗想躲入被窩蒙頭大睡外，最想就係同朋友圍埋一齊打邊爐🤤滾爺火鍋 Bubbly Feast Hotpot係主打港式火鍋嘅餐廳，提供多款海鮮、肉類、丸類、美味湯底任君選擇，以後唔駛大費周章喺家中準備火鍋了😌平時唔食得多，但係食物嘅選擇就要多，為滿足各人不同口味，火鍋配料種類當然愈多愈好👀如果心大心細、唔知揀乜餸菜好又或者有選擇困難症，嫌自行挑選麻煩，我推介滾得飽2人套餐，有齊海蝦4隻、花甲6至8隻、西班牙無激素豬頸肉、手包水餃、鮮甜手打鯪魚滑、手山根及讚岐烏冬等多款配料，一次就能品嚐到靚肉搭配海鮮，體驗海陸雙享受🙈 湯底方面我哋揀咗芫茜皮蛋鍋，照例先嚟飲少少湯✨醇白色嘅湯底飲得到茜同與皮蛋嘅香氣👍點擊圖片放大 +5 然後落配料，建議先品嘗新鮮花甲去打開胃口，先享用豐富配料，海蝦已用竹籤串住方便食用，肉質鮮味十足，唔駛煮太熟就已經好好味，手工水餃亦係誠意之作，大大隻份量十足，西班牙無激素豬頸肉味道同質感都具水準。讚岐烏冬香滑彈牙，吸收咗海鮮嘅湯汁精華後，非常鮮甜美味😚面對社會嘅通脹壓力，大家都抱着「慳得一蚊得一蚊」之心態，外出用膳以抵食為宗旨，滾得飽2人套餐於優惠時段（7點前離座）每人價格只需$198，同朋友相聚無得頂😆除咗套餐我哋亦加配咗美國安格斯板眼、Q彈墨魚仔同台山蠔🥢美國安格斯板眼肉質結實而脂肪略少，牛味極濃～墨魚仔縮水情況無平時食開嗰啲咁嚴重，撈上嚟果然Q彈十足，好易「逃脫」於匙羹外😆台山蠔隻隻都漲卜卜而且鮮美多汁，口感豐富，用嚟打邊爐，湯底愈滾愈鮮味🤟
