喺如今快節奏嘅社會，慢生活對於打工仔嚟講簡直係遙不可及👀 但係鐵板燒嘅出現令我哋可以慢落嚟拉近人與人之間嘅距離！鐵板燒嘅食材通過高熱嘅鐵板快速烹調，精髓在於高溫鎖住食材嘅真實味道，作為食客更可享受喺鐵板前面感受師傅精采絕倫嘅烹飪技術✨ 望住由師傅將美食一道一道做出嚟，專屬服務更加增添儀式感！就好似來自銅鑼灣嘅《本命鐵板燒· HONMEI TEPPANYAKI》佢哋嘅食材選擇苛刻，用料新鮮，每一份料理都融入師傅極致嘅匠心💞 今次試咗午餐鐵板燒(特選套餐) 由頭食到尾都俾我一種層出不窮嘅新鮮感！一於睇睇套餐有咩食～點菜後好快就上咗「沙律」，新鮮沙律菜配搭柚子醋汁，沙律上有蘆薈，清爽開胃，味蕾瞬間被打開，令嘴巴迎接接落來嘅重頭戲：一系列鐵板燒海鮮😂 另外叫咗兩杯飲品，分別係「菠蘿可爾必思」同「百香果梳打」，飲品極之大杯，由頭飲到尾，而且唔會過甜，個人建議一定要叫💯 「大蝦」喺食緊前菜之時，師傅幾下手勢就輕鬆將大蝦脫殼，「大蝦」被煎出滿滿嘅鮮香，而醬汁用咗蝦頭蝦膏煮成，蝦味極濃！主要係食返大蝦嘅原汁原味～ 「南非鮑魚配瑤柱松葉蟹醬汁」啱啱拎出嚟嘅南非飽魚仲喺度喐緊非常新鮮，師傅掌握生熟程度剛剛好，鮑魚被切成小件方便享用，質感軟糯，感受到來自深海嘅滋補，加上瑤柱松葉蟹醬汁將鮮將鮮味進一步激發，視覺同口感雙倍滿足。 「廣島蠔配炒洋蔥」用咗洋蔥去炒香做墊底～蠔身比較軟冧，喺師傳嘅一鏟一轉之下，蠔嘅肉質原汁原味由內到外鎖定到各個層次，能夠品嚐到來自海洋嘅鮮味，加上洋蔥係嗰種回味無窮嘅鮮！ 「鹿兒島和牛」我哋叫咗五成熟，和牛喺高溫灸烤中溢出四面油份，再將入面嘅肉汁緊緊鎖住，呈現出美妙口感，咀嚼後散發嘅油脂好香，配搭日本辣椒絲、香脆蒜片及芥末非常滿足～ 一連品嚐四款海鮮就嚟個「麵豉湯」中場休息一下😌 用湯匙繞圈攪動幾下，令湯料同味噌混合，暖身又暖心～飲湯同時已見師傅炒緊飯，呢道炒飯係可以感受到滿滿誠意嘅「炒飯」✔️炒飯粒粒金黃而且好乾身好鬆散，同時帶少少牛脂香，好食得出師傳功架！然後就係「炒野菜🥬 」喺熱辣辣鐵板上炒過嘅野菜保留咗豐富汁水，野菜爽口，而且調味唔會遮蓋蔬菜本來嘅清甜味道，食完炒飯嚟一份蔬菜，搭配剛剛好。 其實食到呢到已經非常飽，但面對甜品我哋嘅胃總係會有空位騰出嚟✨食到幾飽都需要一份甜品進行收尾以填補空缺嘅飽足感！係好好好好有記憶點嘅「焦糖多士」🤟師傅先將麵包烘脆，然後放喺熱熔嘅牛油同沙糖上面，麵包充分吸收糖漿後將佢反轉再反轉，職員細心提醒稍微放涼一下，焦糖就會變得脆脆好好味～多士香甜又脆口，好難忘係因為用咁簡單嘅材料都整到咁出色，利害呢🙈多士另配有「咖啡雪糕」，口感細膩之餘帶有咖啡嘅醇香，好平衡到焦糖嘅甜度，為是次鐵板餐劃上完美嘅句號。 《本命鐵板燒· HONMEI TEPPANYAKI》嘅套餐可謂驚喜連連，食完呢餐一整日都在細細回味！最享受係可以近距離欣賞師傅純熟嘅技藝，雖然個口食住碟上嘅食物，眼睛卻望住鐵板上嘅下一道美食，吱吱作響嘅煎烤聲更加係最完美嘅背景音樂🎶加上店員專業友善，師傅又有細心詢問是否食蔥蒜洋蔥等，今次體驗真係好滿足～🥢本命鐵板燒· HONMEI TEPPANYAKI@honmei.teppanyaki
