最近天氣好飄忽，一於搵啲刺激美食刺激吓心情，掃走壞心情啦！嚟到七月烤魚食返啲刺激又醒胃嘅烤魚就最好😌 見佢哋推出咗二人套餐，每個套餐會包一款絕品烤魚，烤魚嘅湯底可以揀藤椒青椒、重慶香辣、蒜香酸菜、醬香豆豉以及毛血旺等等，魚類可揀清江魚或者海鱸魚，亦可以+$40轉江團魚。朋友唔太識吐骨，所以揀咗口感嫩滑、多肉少骨、油香十足嘅清江魚，湯底就揀咗藤椒青椒，可謂「有辣有唔辣，任君選擇」 呢盆烤魚份量真係非常大，微辣嘅湯汁帶少少酸味，唔會好辣，但係湯汁好濃郁，烤魚上面鋪咗厚一層藤椒同埋青椒，而清江魚基本有一條好大嘅直骨，其他部位都唔算太多骨，可以大快朵頤唔使擔心魚骨會卡喉🤟雪白嘅魚肉嫩滑新鮮，吸收咗烤魚嘅湯則非常入味，會越食越上癮，魚皮帶小小焦香，只需一啖就能夠感受到層層遞進嘅麻酸辣味喺口中爆發，令人食慾大開🤤套餐可以任揀兩款配菜，我哋揀咗土豆片同鴨血片，佢哋嘅鴨血無咩氣孔，煮好耐都仲係好滑嫩好Q彈。 串燒方面可以任選四款，我喺揀咗荷蘭豬五花腩、厚燒牛舌粒、燒羊肉及串燒肥牛串。我覺得佢哋嘅五花腩揀得好唔錯👀唔會太肥，肥瘦剛剛好，油脂被高溫逼出，因此表層烤得微微焦脆，配上秘製香料，一啲都唔覺得肥膩～另外推介厚燒牛舌，牛舌同牙齒之間產生咗一種柔韌醇香，肉汁喺口腔中輕輕爆開，肉香亦唔會被調味粉蓋過曬，推薦💯 芥末涼拌秋葵秋葵黏黏哋可以拉絲，以前好怕食秋葵嗰種滑潺潺嘅質感，無諗到呢一味芥末涼拌秋葵征服咗我，佢無秋葵平時嗰種草青味☺️秋葵嘅鮮嫩同涼拌汁互相碰撞，入面仲有一啲好似爆珠咁嘅種子，雖然芥末味唔算特出，但好有驚喜！ 蒜蓉燒生蠔蒜香四溢，一點點辣更有提升嘅作用，生蠔嘅鮮甜配上蒜香嘅濃郁🧄一筷提起生蠔肉及蒜蓉放入口中真係無比滿足呢！ 四川冰粉糖水好鐘意呢種滑嫩而且入口即化嘅口感😋 冰粉本身透明無味，但我呢碗就多多多多多多配料，有紅豆、山楂片、提子乾、葵花籽同紅糖汁，飽嚐幾樣帶辣美食後，清新嘅甜品絕對係口腔中嘅一道涼風🌬️ （上檯打卡後最好盡快食用） 套餐包兩罐汽水，亦加半價升級特飲，今次叫咗爆珠青瓜青檸梳打同爆珠草莓番石榴乳酸梳打，解渴解膩之選✨ 無論鍾意食辣定係唔中意食辣都可以喺「七月烤魚」搵到屬於自己嘅味道✔️佢哋仲有個堂食套餐優惠，逢星期一至四套餐有8折，星期五6日同埋公眾假期套餐88折，真係好抵食😆🥢七月烤魚
