耐唔耐都會同朋友嚟將軍澳南踩單車，見踩完車肚仔餓餓哋，嚟到「Urban Coffee Roaster」醫醫肚兼傾吓計先👀店內餐牌提供沙律、意粉飯、主食、輕食、甜品及各種款式咖啡，餐廳面臨大海，採光度好好，相當舒服～ 煙三文魚賓尼迪週末終於可以瞓到自然醒，如果瞓醒唔知食咩好，不急不躁，不趕時間哋享受一頓慵懶嘅BRUNCH都係個好選擇🍴嚟到Urban Coffee Roaster必點嘅絕對係佢哋BRUNCH系列！酸種麵包外皮帶點鬆脆，內裏帶少少濕黏感，切開水波蛋，蛋黃緩緩流出同醬汁融合，加上三文魚及酸種麵包，以及能提升食慾及突顯層次嘅漬洋蔥，飽腹又好味～整體無額外添加好多其他嘅調味品，就係食物本來嘅味道，好天然好健康～ 慢煮豬肋漢堡配薯條喺CAFE食漢堡係美式餐嘅硬朗+文藝氣息嘅完美結合😚而一份漢堡帶嚟嘅幸福感同飽足感亦不亞於滿漢全席～ 呢款係好傳統嘅漢堡，所有材料一絲不苟地層層疊好，同🍔呢個emoji一模一樣✨軟包夾住厚切嘅去骨豬肋及茴香沙律，豬肋去骨後啖啖肉，保留到肉原本嘅新鮮質感外加少少焦香，肉質軟而不爛。醬汁係蜜糖啤酒汁，醬汁份量剛好，感受到肉香之餘無多餘嘅醬汁打擾🫡 因為個包實在太大，用盡力將個口擘到最大都食唔曬個包，用刀叉溫文地將所有材料切開放入口中，一次過滿足味覺、嗅覺同視覺✔️另外配有粗薯條，趁熱食外脆內軟，加埋黑松露蛋黃醬好惹味！PS. 份量充足，感覺女仔食半個漢堡就已經飽，好適合2個人一齊叫嚟SHARE〰️ CARAMEL LATTE入口焦糖嘅風味層層遞進，咖啡嘅馥郁、牛奶嘅香醇、焦糖嘅甜蜜，通通喺舌尖完美交融😉 UJI MATCHA LATTE $50軟綿泡沫層堆喺杯面，小心翼翼咁吸啜一啖，濃郁順滑嘅奶香充盈口腔，結合咗濃厚嘅抹茶味同絲滑嘅牛奶口感，呈現出一種細膩奶香，帶甘味嘅茶香加入牛奶後，能夠緩和抹茶嘅苦味，令整體口感更加豐富更平衡。點擊圖片放大 無論係追求獨特風味嘅美食、定係咖啡愛好者，「Urban Coffee Roaster」都係一個好好嘅選擇！喺忙碌過後約上三五知己嚟呢度放鬆交流，一齊品嚐美食，享受美好嘅時光，先唔會浪費難得嘅假期🤤
