同另一半撐枱腳想鋸扒食意粉又唔想專登開爐煮🍽️，不如嚟LIFETASTIC BISTRO，皆因LIFETASTIC推出全新單點菜單，加入多款滋味頭盤、沙律、意粉及主菜，更再度改良招牌西瓜蛋糕食譜！一於用美食好好獎勵自己同身邊人啦～ 「炭燒澳洲穀飼黑安格斯封門柳」身為牛魔王緊係要食得刁鑽啲，黑安格斯牛以其卓越口感、優雅味道同豐富營養而聞名；而封門柳部位刁鑽又稀少，可以係話一「柳」難求😋由於牛呢個部位甚少活動，所以出名肉質柔嫩，肉味比起其他部份更濃更特別，更顯質素講究💪LIFETASTIC 全新菜式「炭燒澳洲穀飼黑安格斯封門柳」絕對滿足到鐘意肉味濃者口腹之欲！封門柳外層燒至焦香，中間係深紅色，表面淋上醬汁✨另外有蘆筍、薯蓉、番茄等炭燒配菜，擺盤好靚呢～一切開黑安格斯封門柳，果然唔係浪得虛名！肉質非常柔軟，但一刀切落去又唔會好易散開。深沉嘅肉色背後更蘊藏極大滋味😙因為佢本身嘅肉味真係好濃，配搭任何醬汁，牛味都可以突顯返出嚟，而店鋪嘅自家調配醬汁係帶有甜味嘅燒汁，豐富肉汁加上香濃風味，連配菜都炭燒得好香，達到我呢個牛魔皇對於食牛嘅要求。 「明太子軟殼蟹意大利粉」又就快到秋天喇，又係食蟹嘅季節，作為一個好鍾意食蟹但又唔鍾意自己剝蟹殼嘅人，食軟殼蟹簡直係最佳選擇😉特別係炸軟殼蟹，繼承咗傳統天婦羅嘅酥脆外皮，兩者嘅結合呈現咗炸軟殼蟹獨特嘅風味，係炸物同海鮮愛好者嘅福音。意粉上有一隻炸過嘅軟殼蟹🦀 軟殼蟹外皮炸得香脆唔油膩，經過酥炸鎖住咗蟹嘅鮮味💕意粉好煙韌彈牙，明太子更佈滿整碟意粉，加上面頭灑咗啲魚子，所以每啖都會明顯感受到粒粒嘅口感，整體味道鹹香十足好有沖擊力！用叉溫文地慢慢將意粉捲起，放入口中，真係好滿足😆 「荔枝西瓜蛋糕」嚟得LIFETASTIC BISTRO，當然要食埋佢哋出品嘅蛋糕先算得係完滿啦🤭LIFETASTIC持續進⾏研發採⽤令蛋糕滋味更豐郁嘅⾹甜食材組合及改良蛋糕食譜，推出全新水果系列嘅西瓜蛋糕🍽今次叫咗荔枝西瓜蛋糕，重點戲同樣係有一片多汁西瓜，但不同嘅係加入清甜可口又多汁嘅荔枝作為主要材料👆蛋糕頂層係以接骨⽊花⽔糅合荔枝果⾁製成嘅果凍，夾層以幼滑細膩嘅接骨⽊花味忌廉及完⽚西瓜互相層疊，⾯層更有紫藍⾊⽮⾞菊花瓣作點綴，整體十分雅緻，建議一定要由最上層嘅果凍到最下層嘅杏仁餅底一齊送入口，咁先對得住咁用心機整嘅甜品🤲點擊圖片放大 「招牌草莓西瓜沙冰」西瓜係一種水分含量好高嘅水果，而草莓亦含有一定比例嘅水份，將佢地打成沙冰，能感受沙冰融化時帶嚟嘅絲絲冰涼，每一啖都係咁清新鮮爽～細膩涼爽嘅冰沙混合住豐富嘅果香，拯救咗躁熱嘅夏天！「芒果熱情果梳打」黃色嘅視覺非常有夏天嘅感覺，充盈而雀躍嘅小汽泡不斷上升。用飲管輕輕攪拌一下，令芒果及熱情果嘅清香同梳打水充分混合，飲一啖會感受到水果嘅清香同汽泡嘅爽口，頓時還你好胃口～ #社群試食LIFETASTIC #熱門菜式 #西餐 #蛋糕 #銅鑼灣美食 #將軍澳美食 #foodie #foodiehk #hkfoodie #hkfood #hkfoodlover #hkrestaurant #將軍澳 #ufood #ublog #hklike #852food #foodpornhk #hkgirl #likeforlike #hkcake #甜品 #hkdessert＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 將軍澳分店地址：將軍澳 PopCorn1 期地下 G19 號舖Facebook@LIFETASTIC Instagram@lifetastic.official
