每個月總會有一日突然想食自助燒肉，硬係覺得無食一次就會感到渾身不自在👀 喺觀塘做完嘢，見無咩做，又唔想周圍行，諗起附近有間食任食韓燒，就係類近地鐵站嘅「漢和韓國料理」我最鐘意佢啲位夠闊，俾我放好多碟食物都得😆 🥩呢度簡直係肉食動物嘅天堂，肉類大概分為有醃製過嘅肉類，亦都有普通原汁原味嘅肉類，雖然係自助形式但係擺放整齊，乾淨衛生，完全可以放心夾🫡肉類有西冷牛扒、牛肉、牛脷、美國肥牛、牛肋骨肉～另外亦有豬頸肉、辣豬肉、豬扒、豬大腸、豬腩肉、辣雞翼、火雞腎、午餐肉、雞肉腸、紅腸等。除左肉類仲有海鮮選擇，例如八爪魚、辣鮮魷、辣魷魚鬚、魚柳…素菜方面有玉米筍、洋蔥圈、茄子、金菇、翠玉瓜、鮮冬菇等等... 個人強烈推薦已經調咗味嘅肉類，醃製得超入味，重口味人士必愛！另外生菜色澤翠綠好新鮮，夾埋啲肉嚟食清爽唔會油膩，如果包住生菜食味道剛好～另外亦特別鐘意食魷魚/八爪魚類，平時無咩機會任食今次要食夠本😚另外以下都係啲特別推介📝1️⃣美國⼀級美國安格斯⽜仔⻣，香口又厚肉，油脂豐富！2️⃣肥瘦相間嘅豬腩肉焦脆厚實，烤製一陣就已經滋滋冒油，香氣混合油脂，推介！3️⃣牛舌～好薄身快熟又有嚼勁！📝個人搭配「牛肋骨肉+大蒜+泡菜+生菜」一次過塞入口，各種味道喺口腔內炸開🤟 平時食韓國菜最開心其中一點就係有種類非常多嘅配菜，呢度有齊各款經典韓式配菜系列，包括泡菜、芽菜、菠菜、雲耳、甜魚仔乾、醃蘿蔔、芽菜及多款韓式醬料選擇，全部都係自助無限添加🤟仲有挪威新鮮空運三⽂⿂刺⾝及各款壽司，估唔到呢個價錢仲有食三文魚刺身！驚喜～點擊圖片放大 +2 等燒肉熟期間，如果肚餓亦可以拎定啲熟食，同樣有好多選擇～例如豬腳薑、蒜頭生菜、炒飯、燒三文魚骨、多春魚、韓式炒粉絲、炸煎堆、煎馬蹄糕、炸雞、薯條、天婦羅、雜菜煎餅等，大概夾咗幾樣款淺嚐一下～味道都很不錯！我哋仲拎左啲韓式煎餅煎翻熱嚟食～將佢哋放喺鐵板烘吓，熱辣辣脆卜卜咁好好味😚湯品類有人參雞湯、海鮮辣湯、同碗仔翅，燒完嘢食出去任拎豆腐花、涼粉、西米糕、椰汁糕、啫喱糖、南瓜西米露、各式水果同雪糕等甜品，另外啤酒汽水都係任飲，真係大滿足！ 總結嚟講，呢度服務方面都幾貼心，侍應算勤快收碟，態度都好好，唔需要你特登要求都會自動波換烤盤～重點係呢個價錢好抵食，食物種類豐富多樣，絕對令你嘅味蕾盡享盛宴，實現韓燒自由，輕鬆回本沖沖沖！呢個價格對於如此豐盛嘅選擇嚟講絕對超值。如果你正在尋找物超所值嘅韓燒體驗，不妨來試下呢一間「漢和韓國料理」佢哋除咗有泊⾞優惠，仲有獨⽴Vip房適合多⼈聚會～另外佢哋仲有好抵食嘅韓式套餐，有興趣可以留意吓🫡 🥢漢和韓國料理地址： 觀塘觀塘道414號1亞太中⼼9字樓
