鍾意打卡影相嘅朋友快啲BOOKMARKS喇，閔大人聯乘窩夫甜品專家Simply Waffle進駐MCP DISCOVERY，推出多款獨家美食！成間店都係粉紅色嘅佈置，夢幻粉紅色擊中我嘅少女心，今次我仲特登叫咗佢哋粉紅色嘅美食，過返個粉紅下午💞點擊圖片放大 +2 髒髒朱古力牛角包窩夫髒髒系列曾經風靡一時，但喺我心目中係永不褪色嘅經典，因為能夠將可可嘅醇厚發揮到極致，以呢件牛角包窩夫為例，將牛角包壓食窩夫，由牛角包窩夫、朱古力味忌廉、朱古力醬、可可粉至可可脆米，裏裏外外都係朱古力作為主導～ 牛角包窩夫外脆內嫩，口感層次分明，切開後內裡嘅層疊都係滿滿嘅牛油香味，而鋪喺面頭嘅朱古力味忌廉又增加咗絲滑嘅口感，加上甜度剛剛好，食曬成件都唔會理，一定係朱古力愛好者嘅新寵！ 韓式年糕最近追返換乘戀愛，入面經常播住主角喺度煮飯，令我突然之間好想食韓國年糕😂 而閔大人嘅韓式年糕主要係黏黏嘅醬汁配搭軟糯嘅年糕，好有意思好有韓劇feel🤤 入面有泡菜、蟹柳等配料，醬汁個人認為屬小辣程度，年糕都幾軟糯，份量亦都好大～因為同朋友邊食邊傾計，即使年糕凍咗之後都好好食，因為醬汁變成更加濃郁～ 另外有個小貼士💡就係可以點佢哋嘅炸物點住年糕汁嚟食，我哋今次叫咗蕃薯片，蕃薯切成薄片沾上炸漿後炸得金黃香脆，蕃薯肉粉粉糯糯又甜甜哋，點上醬汁更惹味呢😉 韓國水果牛奶甜甜嘅士多啤梨香氣夾雜著醇厚嘅牛奶，點綴著一粒粒新鮮士多啤梨肉，係自然嘅果香味，飲之前記得攪一攪杯底嘅草莓果醬呢✨西柚果蓉梳打炎夏中最正嘅飲品莫過於梳打帶嚟嘅快樂，氣泡喺口中炸裂嘅涼爽感都係夏天專屬嘅滋味，西柚特殊嘅香氣趕走燥火熱氣，酸甜可口，推薦～
