嚟到銅鑼灣，唔知食咩好？天氣熱想舒服啲食嘢？嚟時代廣場就最好喇！LUBUDS Group 喺時代廣場有多間人氣餐廳，有齊中、西、日式料理及咖啡店，同一日可以品嚐不同美食，免卻炎夏四圍行四圍搵餐廳嘅煩惱😆🤟今次去咗「Blooms Coffee」、「鮨穴」及「川川 CHUAN」飲盡陳豪咖啡及食盡刺身及麻辣火鍋，一齊睇吓有咩好食🙌 「鮨穴 Zushi ANA」 日本菜癮又發作，嚟到銅鑼灣食日本菜止吓心癮先！上到嚟時代廣場12樓，即可到達「鮨穴 Zushi ANA」環境優雅中帶點輕奢華，現場可見數位師傅坐鎮，原來店內師傅會操刀解魚，將每日由日本直送到店嘅新鮮食材炮製成刺身及壽司，確保啖啖都係鮮味呢～ 特上刺身拼盤 特上刺身拼盤極具視覺效果‼️擺盤好有氣勢亦非常精緻，睇得出喺美學上好講究💕 刺身拼盤有左口魚、帶子、拖羅、三文魚、魚子、油甘魚、吞拿魚、鯛魚及牡丹蝦，每一片都係厚切，能一次性滿足多種鮮味🇯🇵 三文魚厚厚一片紋路清晰，口感絲滑細膩；左口魚經過灸燒油脂出曬嚟✨魚籽粒粒晶瑩剔透，擁有爆汁口感，配上青瓜平衡咸香好滿足；牡丹蝦刺身色澤好靚、蝦肉肥碩、甘甜濃郁，沾上少許芥末有種鮮爽嘅口感✔️拖羅紋路美觀，肥嘟嘟口感配上極豐富嘅油脂，好快喺舌尖間化開，體會到何為真正入口即溶；另外有一小碗柚子汁，與鯛魚同食，口味清新脫俗，秒不可言✨ 雜錦天扶良 天婦羅嘅魅力在於「油炸唔係只追求重口味，而係激發食材最純真嘅本味」呢度嘅天婦羅就做到了🤝 南瓜、秋葵、番薯、茄子、蝦、魚、蟹鉗等食材被裏上酥脆嘅外衣，唔只保留了食物原本鮮味嘅味道，仲增加咗一層薄脆嘅口感，而且口感輕盈唔會油膩。雜錦天扶良同時兼顧到層次、口感及味道，無論係原味食用、定係沾天婦羅醬汁食用都同樣超級鮮美，係好食到停唔到嘅節奏～ 松葉蟹鉗配海膽 松葉蟹鉗絲絲鮮甜，上面鋪咗大大件海膽✨飽滿嘅口感喺口中爆炸，係屬於蟹及海膽之間鮮味VS鮮味嘅一場較量🤝 三蟹卷 外面用紫菜及炸粉包住，內裡則由蟹膏、蟹肉及蟹籽組成，整隻蟹嘅每個部位都被安排其中，難怪香味充盈口腔，蟹味極濃😚果然物盡其用先係最高級嘅食法😆 帶子紫蘇卷 紫蘇包裹著鮮帶子嘅天婦羅，紫蘇香脆可口，唔會搶走帶子嘅香，反而帶出帶子嘅鮮甜同軟糯😋 整體嚟講，「鮨穴 Zushi ANA」由食材到味道、烹調到擺盤、以及精緻嘅器具同周到嘅服務，均令食客有一種愉快嘅用餐心情，令我感受到體貼嘅待客之道😆嚟開銅鑼灣又想食日本嘢嘅朋友不妨試試佢🇯🇵 餐廳地址： 銅鑼灣勿地臣街 1 號時代廣場 12 樓 1202 號舖 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ Blooms Coffee 講到鍾意飲咖啡嘅男明星，第一個諗到就係陳豪，相信你係咪同我一樣呢😆陳豪經常分享佢嘅咖啡日常，嚟到銅鑼灣，梗係要專登去打卡一吓佢嘅咖啡店啦🤭 「Blooms Coffee」係陳豪創立嘅自家咖啡品牌，當中由Moses親自主理嘅「Cyclops Coffee - Craft by Moses」，由尋找莊園，向農夫直接買豆、測試、烘焙，到出品烘焙都係由 Moses 處理一手包辦添㗎，可以飲到代表陳豪品味嘅同款咖啡，真係好難得嘅機會，唔可以錯過☺️ 「Blooms Coffee」位於時代廣場11樓，開放嘅空間加上簡約白金色嘅裝修，感覺前衛帶點優雅，喺商場中央好吸睛～ 棉花糖牛奶咖啡 屬於店內嘅招牌咖啡，軟綿綿棉花糖cream好似一座山仔咁鋪咗喺Latte上面，棉花糖被火槍燒成焦糖色，係好適合打卡嘅一杯咖啡，用木棒輕輕攪動，黏黏甜甜嘅棉花糖瞬時融入Latte中，帶甘香嘅Latte化解棉花糖帶嚟嘅甜蜜衝擊，一啲都唔漏～甜蜜蜜嘅下午時光就係咁簡單！ Moses's craft 陳豪嚴選-期間限定 溫度剛剛好，用上哥倫比亞咖啡豆，入口但有溫和嘅酸味，味道好有層次，咖啡隨時時間推移會產生微細變化，每啖都感受到Moses對於咖啡嘅執著🙌 聽講陳豪仲經常會去嗰度，不過今次偶遇唔到佢，唔知下次嚟會唔會撞到佢呢😂 餐廳地址： 銅鑼灣勿地臣街 1 號時代廣場食通天 11 樓 Open Area ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ 川川 CHUAN 朋友無辣不歡，而我又對川菜情有獨鍾，時代廣場11樓有間主打四川菜式嘅「川川 CHUAN」，嚟食返餐麻辣火鍋止止癮先🤟一入到嚟就覺得環境好雅緻，十分有格調仲好有設計感 青椒清香桂花魚～ 齋聞已經覺得好香！望真啲，桂花魚被青椒及芫茜淹沒，清白鮮嫩嘅桂花魚被賦予一身綠色光彩，堆成小山嘅青椒令湯底風味十足，湯底看似清淡，但滲滿鮮味，當魚肉嘅鮮嫩與青椒嘅香氣遇上，輕微嘅爽麻口感喺嘴內進發，味覺激發到淋漓盡致～最驚喜係入面有爽彈嫩滑烏冬，配上魚湯食用，鮮香喺口腔內回蕩，忍唔住將手中嘅筷子再次伸入盆中再夾起一碗～咁好味緊係要再嚟多碗😋 麻辣川川小籠包 軟糯嘅橙紅色外皮將豐富湯汁牢牢鎖住，所以要將小籠包輕輕提起再慢慢移開，先可以保證湯汁能優雅地全部送入口中！輕咬小籠包，鮮甜肉汁喺口中爆發💥 而麻辣味比較溫和，好適合鍾意食辣但又唔食得太辣嘅朋友，唔駛點醋都已經好好食，非常值得品嚐！ 麻辣火鍋湯底 用上來自四川原材料及二十種香料製作而成；麻辣湯「香、辣、麻」而且有層次，而且辣味適中，唔會太過咸又能保證滋味濃郁及令食材入味！ 手切安格斯牛肉 高品質嘅安格斯牛肉上枱就已經好亮眼，完美嘅大理石紋理反映係最好部位嘅肉，肉質肥瘦均勻，入口有滿滿嘅油脂分泌出嚟，濃郁嘅油脂包裹住湯汁嘅鮮香麻辣，加上肥嫩口感，係又飽眼福又飽口福嘅體驗😉 貴妃蚌 未淥前嘅貴妃蚌質感透滑、晶瑩剔透，真係處理得好乾淨👏將貴妃蚌放入麻辣鍋中輕燙後質感爽脆清甜，每塊都感受到新鮮嘅海洋味💦 桂花魚 顏色粉粉嫩嫩咁好新鮮，輕燙過嘅魚肉褪去粉紅只剩下雪白🤏桂花魚同麻辣湯底互相交織，令魚肉嘅天然鮮味盡情釋放✨ 厚牛脷 鍾意食牛脷嘅千祈唔好錯過👀首先佢完全對得住「厚」呢個字，但又唔好睇佢咁厚以為好韌，其實又滑又嫩又香😚牛脷吸滿湯汁，厚厚牛脷卻擁有鬆軟感覺，但又保留到天然肉質纖維質感，仲會越嚼越香，嚼到後面會有一種奶香蔓延開，推薦✔️ 鴨血 色澤鮮亮，係新鮮乾淨嘅鮮鴨血‼️放落麻辣湯度食好過癮，有種果凍咁嘅質感🤤一啲腥味都無，再點一點我喺自助醬料吧到特別調製嘅蒜蓉醋味道更好，每件都咁嫩滑可口～ 總括嚟講，不論係菜式、環境定服務，我都想用「高端大氣」嚟形容，好適合對飲食及環境有要求嘅朋友呢！ 餐廳地址： 銅鑼灣勿地臣街1號時代廣場11樓1102號舖 ＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝ LUBUDS Group Facebook Instagram ZUSHI ANA 鮨穴 Facebook Instagram 川川 CHUAN Facebook Instagram Blooms Coffee Facebook Instagram
