女仔一向都有兩個胃，一個攞嚟食飯另一個係為咗甜品而生🤭除咗慶祝生日總會有某啲時刻想食蛋糕去提升心情，但一整個蛋糕又驚食唔晒，盒子蛋糕就最適合了✔️=將蛋糕縮細到去盒子入面‼️口味多多細細一盒，試唔多啲唔同口味又滿足到想食甜嘅心願😚而且乾淨衛生又唔使擔心蛋糕變形，攜帶方便食得又方便添！點擊圖片放大 主打麻糬盒子蛋糕嘅「盒作」推出多款原創口味，今次叫咗6款試試，咁多個盒子擺埋一齊好有女仔一齊聚會嘅感覺💕盒盒都好墜手，未食先興奮🙈 以下4款係屬於「港式四寶」✓1. 港式檸檬茶麻糬脆脆盒子蛋糕將港式檸檬茶同蛋糕巧妙地融合埋一齊，係比較特別嘅一款蛋糕🍋中間係紅茶味戚風蛋糕，加入新鮮檸檬汁製成嘅檸茶味忌廉茶味突出、檸味清新，再灑上玉米脆片，風味十足，每一層都係完美搭配😚2. 阿華田脆脆麻糬盒子蛋糕香濃阿華田忌廉細膩順滑，朱古力戚風蛋糕鬆軟濕潤🍫再挖深啲係煙韌嘅麻糬，麻糬唔黐牙好正，加上香脆嘅阿華田餅乾... 整體口感豐富🤟3. 港式奶茶麻糬脆脆盒子蛋糕係奶茶控嘅福音😆經慢火熬製出香濃柔滑奶茶忌廉好還原到奶茶嘅香味，一入口已經係嗰陣熟悉嘅奶茶味☺️用匙羹慢慢向下挖就唔會打破盒子蛋糕原來整整齊齊嘅舒適感🤫4. 好立克脆脆糬盒子蛋糕係經典兼童年回憶嘅好立克呢😋鍾意飲好立克嘅朋友相信都鍾意嗰陣麥芽味，當濃郁嘅麥芽香配上忌廉及原味戚風蛋糕，加上好立克脆脆，還完到好立克嗰種實而不華嘅感覺，一切都係剛剛好～另外揀咗兩款口味： 1. 海鹽焦糖咖啡麻糬盒子蛋糕面頭係熟悉嘅Lotus餅乾，然後焦糖配合陣陣嘅咖啡香，以及鬆軟而帶點彈性嘅戚風蛋糕，一刻間舌尖被咖啡、焦糖及蛋糕嘅香味包圍住，而海鹽嘅微鹹中和返，整體唔會太過甜膩💓 2. 開心果四季春盒子蛋糕炎夏中見到蛋中上一片綠色好療癒～由四季春蛋糕、香濃開心果忌廉及煙韌麻糬組成，加上特選開心果製成手工天然開心果醬，一啖足足有4層味蕾體驗，口味一啲都唔單調，忍唔住就一下子食咗半盒😚總括嚟講幾款口味各有千秋，每一盒用料都好實在💯 包裝好有心，仲會根據口味提供不同脆脆比你食之前灑上去食增加口感😆睇得出亦食得出店家真係比心機整甜品，如果想試吓咁創新嘅盒子蛋糕，不妨去 @hapzok.cake 睇吓✨ 🥢盒作Hapzok Cake
