嚟到奧海城睇完戲諗住醫醫肚,點知大部份餐廳都有人等位,靈機一觸去美食廣場食嘢先💡奧海城嘅大食代係個面積頗大嘅美食廣場,充滿書卷氣息嘅裝潢增加不少用餐氣氛,眼見用餐區枱椅甚多,毋須等位😆正! 搵到位放低袋就即刻出去兜個圈先,眾多餐廳之中,我哋揀咗一間名為「泰雅」嘅泰國菜餐廳,見到佢哋都有幾多選擇,除咗船麵、冬陰功湯、炒粉麵飯、串燒,仲有芒果糯米飯,有啲花多眼亂💕點擊圖片放大 泰式牛肉炒河粉我對炒河粉嘅要求係有鑊氣、河粉乾濕程度剛剛好、配料要新鮮、調味料夠香夠濃、色水要夠,基本上以上呢幾點都做到😆 河粉係偏向粗身嘅(感覺有啲似食緊炒粉皮咁)半透明嘅河粉被均勻沾上醬汁,帶點爽彈口感~醬汁頗濃味,嗒真啲仲有少少酸味同辣味走出嚟,牛肉肉質夠腍🔥搭配新鮮蔬菜,唔會太過油膩👀值得一讚係雖然出餐速度快,但即叫即炒所以熱辣辣出曬煙,而且仲有辣度選擇同套餐送例湯,幾貼心👏 芒果椰汁糯米飯講到泰國甜品,第一反應就係係芒果糯米飯,而芒果又係夏季最佳水果🥭 叫返個芒果糯米飯食就最好👏佢哋嘅椰汁係分開上,可根據喜好調較份量,椰漿有少少咸味,所以食落完全唔會膩,另外糯米飯緊實Q彈,芒果肉冇渣,香味同甜度都好高。整體甜甜糯糯咁,愈食愈香,食完一碟好有衝動想叫多一碟😂 泰式冬陰功雞肉串燒平時食串燒多數都係叫沙嗲味,今次叫冬蔭公味嘅串燒試試😚雞肉嘅油脂同惹味冬蔭公醬汁混合,味道相當濃郁,每粒雞肉都沾滿冬蔭功醬特殊嘅酸辣香味,而且外焦內嫩,好刺激到味蕾✨