無意中搵到時代廣場隔離有一間漢堡包店「EXOTICA GELATEA」,店面雖然唔大,但裝修很不錯,睇得店主用心經營❤️ 一間小店就將漢堡包、法式薄餅同GELATO一網打盡,當中嘅漢堡包更係即叫即製,等待期間不時聞到飄出陣陣牛肉香味,未食前先有嗅覺享受👏 Wagyu Burger食漢堡包就係要追求嗰種大啖咬落去嘅感覺,尤其係鮮嫩多汁嘅牛肉👀同普通薄嘅漢堡肉唔同,和牛漢堡扒並非傳統上嗰啲比較緊實嘅肉,而係油脂好豐富嘅,咬落去軟嫩多汁,肉味十足,脂肪比例亦剛剛好✔️食得出和牛嘅品質好高💡漢堡包嘅麵包入口十分鬆軟入口仲有啲甜甜地,更夾有芝士、蕃茄及生菜,當不同食材碰撞埋一齊,激發出不同香氣,又可中和油膩感❤️另外佢哋嘅漢堡包比較大份,女仔嘅話量力而為二人share都得,另外幼身薯條炸得比較乾身唔油膩,配茄汁好易一條接一條食晒🤟 Apple Crepes Set (+ Coconut Pineapple GELATO)法式薄餅係其中一樣我好鍾意食嘅甜品🥢冰凍Gelato配上暖暖嘅蘋果果肉以及微帶軟糯又有蛋香嘅餅皮,口感豐富又有層次,Gelato對比普通雪糕口感更綿密,脂肪含量更低,更融入水果天然嘅清新酸甜,將薄餅切成小件沾雪糕伴食確實不錯💦Gelato我哋揀咗椰子菠蘿味,一口意式雪糕就同時享受到椰子清甜同菠蘿嘅清新,佢哋唔會互相搶風頭,整體好有熱帶風情🏝️彷彿置身海島享受療癒嘅甜蜜滋味,估唔到身於鬧市都會有呢種異國享受💞 Iced Coconut White上檯時仲係分層狀態,飲前記得攪一攪✨一啖飲落去冰冰涼涼,趕走夏天嘅濕悶,攪勻之後會飲到淡淡嘅椰香,咖啡味濃郁偏向成熟嘅大人風味,味道比較細膩醇厚👀濃郁嘅咖啡香氣同椰子嘅清甜配合得剛好,沉醉於椰香咖啡奶當中,時間亦不經意流走💞點擊圖片放大 +2