位於尖沙咀嘅「小魚兒」同時兼顧雞煲、烤魚以及串燒,一次過滿足三五知己嘅不同需要!而我哋今次嘅目標好明確,就係要食雞煲😋雞煲一向俾人嘅印象都係比較麻甩,但我哋今次叫呢個雞煲,就要打破呢個定律,因為係蟲草花膠雞煲✨小魚兒一改姿態,將養生嘅蟲草同養顏嘅花膠加入雞煲🤟 將大量蟲草灑喺鍋面,瞬間將花膠及雞件鋪上金黃外衣,浸香味擋都擋唔住,真係估唔到食雞煲都有種奢華感🙈鍋內嘅熱力將蟲草嘅香恰到好處哋釋放到雞肉入面,而雞肉鹹度適中,雞皮金黃帶有少少焦香味,搭配低脂嘅蟲草同食一啲都唔膩,花膠富含膠原蛋白,配上醬汁味道濃厚,瞬間將鮮味同口感發揮得淋漓盡致🥢點擊圖片放大 +2 食完雞煲後嘅湯汁先係濃縮嘅精華,順序千萬唔可以錯㗎👀呢個時候梗係要麻煩店員加湯食配料啦👏配菜方面,我哋叫咗風琴豆腐,豆腐吸汁嘅特性被醬汁包裹住,再加上雞煲鮮味,平平無奇嘅配菜瞬間昇華不少! 喺呢度除咗烤魚同雞煲之外,仲提供冷盤、小食、鑊氣小炒、甜品,原本打算專心食煲,小試牛刀叫咗焦糖燒菠蘿同椒鹽鴨血試吓,點知好有驚喜🤩 菠蘿切成小塊排列喺菠蘿殼上,酸甜爆汁,加上烤得脆脆嘅焦糖,為味蕾帶來沖擊!另外椒鹽鴨血對我嚟講好新奇有趣💡將鴨血切成小粒,裹上薄薄嘅脆衣,再灑上惹味椒鹽,外脆內嫩嘅感覺,真係從來未試過咁樣整嘅炸鴨血,打開咗鴨血嘅新世界大門😋飲品方面,我哋叫咗青檸梳打,酸酸哋解渴一流,仲可以選擇走甜,非常好😆 最後想讚一讚侍應嘅服務好好👏佢哋照顧到每檯食客,雖然當日我哋坐得比較入,但職員不時走近,確保食客有需要時可即時提供協助(例如雞煲加水)因此大家都食到食物狀態最好嘅嗰一刻,又細心提示點樣食係最好,呢一種窩心真係唔係度度有呢✨