天氣咁凍就想食返碗熱辣辣拉麵!今次試嘅係鳴虎拉麵嘅———鳴海老拉麵🦐 鳴海老拉麵(蝦味噌豬骨湯拉麵)個湯質感偏向濃稠,顏色係迷人嘅橙紅色🙋最正係麵上灑滿脆口嘅粉紅櫻花蝦粉,好澎湃呀🤩難怪蝦味咁重,好啱我嘅口味!麵嘅粗幼度適中,爽口彈牙,掛湯力好足夠,拉麵全方位掛住蝦湯同蝦粉,淨係聞吓嗰陣味蝦味就已經進入鼻腔了👃有一種中華一番啲蝦喺舌頭上跳舞嗰種感覺 (暴露年齡系列😬) 另外糖心蛋都好好味,火候掌握得剛剛好,咬開蛋白有半熟嘅蛋黃爆出嚟💦將啲蛋黃拌入蝦湯,又有另一番風味👅而叉燒因為燒過,所以油脂好豐富,有入口即溶嘅感覺💕配料方面有木耳,香蔥同一大片紫菜~令到成碗拉麵嘅口感更上一層樓⬆ 小食方面我哋嗌咗一個芝士魚餅拼魚條,呈金黃色嘅魚餅熱辣辣,咬開入面係流心芝士, 食落去一啲都唔油膩,十分惹味🔍我哋仲叫咗一支波子汽水,好有童年回憶嘅味道🤹♀️ 鳴虎喺將軍澳啱啱開幕時,我食過一次但未有機會試鳴海老拉麵,隔一排突然間想食拉麵就嚟到試吓,嘩都係一樣咁好食,證明質素好就一定會有食客捧場呢😌我哋去嗰陣時咁啱處於非繁忙時間,上菜速度可以用光速嚟形容😂聽講仲可以帶埋寵物,係寵物友善嘅拉麵店,各位毛孩主人又有一個食麵好去處了🐈🐕而且佢哋嘅價錢亦都好親民,唔使飛去日本都可以感受到日式拉麵嘅精髓,有機會再嚟幫襯👀instagram: ohsuyeherehttps://www.instagram.com/ohsuyeHERE/