位於海港城嘅點一龍聯乘德哥推出"川味"精緻川菜，鍾意食辣嘅我點可以錯過呢🤤見到佢哋嘅川•香特選菜單有齊來自星級名廚陳啟德師傅精心設計嘅一系列特色川菜，果然好多款揀呀，就俾佢哋嘅款式吸引了～ 老四川紅燒牛腩：每件牛腩好軟淋好入味，牛味十分突出，而且好特別嘅係粟米嘅香會滲入咗去啲牛腩肉到，唔怪得一啲都唔漏🤪 魚香蝦球：個醬除咗有豆瓣醬，仲有酒釀作為秘方材料，所以個汁係咸鮮中帶少少甘甜，同無敵大粒而爽口嘅蝦球好夾，送飯一流🍚 重慶口水雞：成碟都幾多份量，紅油中加入花生粒更添口感，香氣配搭滑嫩雞肉，辣中帶香、香中帶麻，令人食得過癮又刺激，一定可以滿足川味擁躉嘅味蕾‼️ 夫妻肺片：我鍾意食呢個😆真係必叫，真係好重口味！夫妻肺片係佢哋自家鹵煮嘅，每件牛內臟爽口入味，而且切得好薄，我鍾意浸吓啲辣油先食～諗起啲酸辣味已經流晒口水！ 馳名擔擔麵：麵條爽口得嚟帶點筋性，湯底細滑順喉，面頭灑滿芝麻及蔥花，成啖湯充滿香濃醇厚嘅花生麻醬香，配埋啲肉碎，十分滿足嘅呢✨ 紅糖糍粑：炸起熱辣辣後灑上紅糖同黃豆粉，好鍾意當中軟糯煙韌嘅口感，甜而不膩唔會黐牙，食完主菜再食呢個做甜品係絕配🤭 同場見到不少食客有叫點心食，見到餐牌都好多款揀，仲見到珍珠奶茶，感覺非常吸引，不過肚皮實在太撐裝唔落👀呢間餐廳唔單止食物質素有水準，連服務質素都好好，而且菜式辣度不一，可以照顧到不同喜好的食客👍下次嚟尖沙咀都會再嚟，要試埋其他嘢食😍 🥢點一龍Facebook: @dimsumbarhkInstagram: @dimsumbar.hk 餐廳地址:尖沙咀海港城港威商場地下 G103 號舖 #UBlog #UBlog 請您試 #UBlog 博客 #UBlog 美食 #ULifestyle 應用程式#ULifestyleApp #社群 #CafeDecoGroup #中菜 #川菜 #酸菜魚 #水煮魚 #口水雞 #紅燒牛腩 #辣椒 #麻辣 #辣 #尖沙咀美食 #尖沙咀 #點一龍 🥢U BlogFacebook: @blog.ulifestyleInstagram: ublog.hk U Lifestyle App 推出全新美食關注專區《社群》，以人氣飲食主題內容打響頭炮，由民間食神/KOL 分享每日美食提案，為各位提供深度交流及搵食平台！仲有每月放送獨家試食活動！傳送門: https://bit.ly/3lyWZa9
